… Mal ensaussés, viez merlanz hors saison. </br>Poys, fèves chiers sont, et tuit ly poisson </br>De riviere, d'estans et de la mer </br>Riens ne valent. Nulz ne les doit amer </br>Ne au manger ne puisse prandre bon esme, </br>Ce qui fut doulz m'est pesant et amer : </br>De tout mon temps ne vi si dur caresme. </br>Car il est froit pour Mars qui le pourmaine, </br>Et dangereus pour ver a maintes gens, </br>Et ceuls qui n'ont pas complexion saine. </br>Toutes choses se sont renouvellens </br>En cellui mois, plain de corruption, </br>Dont il s'ensuit mainte destruction </br>De pluseurs maulx, fievres qui font trembler </br>Et en la fin en l'autre secle aler. </br>Le pain se sent, et le vin est chier mesme </br>Tant qu'om ne puet de nul bien recouvrer : </br>De tout mon temps ne vi si dur caresme. </br>L'en n'a de mer poisson qui le cuer taigne, </br>Qui ne soit gros, deffendus et nuisens, </br>Seiches, rayes, hanons, pesche villaine, </br>Carpe, anguile, tanche lymon flairens : </br>Uns malades en seroit hors du sens. </br>Si ne puet nulz faire provision </br>Pour sa santé. Encor huille et oignon </br>Se vendent roit, pour le peuple affamer, </br>Qui chascun jour ne fait que labourer. </br>Qui veult riens bon, il est plus chier que cresme, </br>Ne je n'y sçay nul remede trouver : </br>De tout mon temps ne vi si dur caresme. </br>L’envoy</br>Prince, on ne puet dehors n'en sa maison </br>Trover plaiz, soles, rougés, saumon, </br>Luz ne carreaulx, brochez, brayne ne perche,z ne carreaulx, brochez, brayne ne perche, +  et Lemproye aussi ne gournaut qui soit bon, Les maquereaulx, fors seulement leur nom :