Envie et … Orgueil, Luxure, Oultrecuidance,</br>Envie et mortel Traïson, </br>Convoitise, Desordonnance, </br>Baras, convers ont leur saison. </br>Chascuns het Justice et Raison </br>Et veult estat de prince avoir. </br>On ne quiert qu'argent et avoir, </br>Au bien commun n'est nul enclin. </br>Par tous ces poins puet on sçavoir </br>Que le monde approuche sa fin. </br>Guerre de jour en jour s'avance ; </br>Il n'est priere n'oroison </br>Vers Dieu, ne nulle obeissance. </br>Estable font de sa maison </br>Pluseurs. Las ! Toute devision </br>Regne, et menterie pour voir ; </br>Preudoms n'ose les denz mouvoir, </br>L'Eglise et tout va a declin : </br>Par ce puet on appercevoir </br>Que le monde approuche sa fin. </br>Pitié, Amour ne Congnoissance, </br>Loyaulté ne porte mais hom, </br>Honeur, Verité ne Vaillance :</br>De toutes vertus nous taison.</br>Le grant Orgueil que nous faison, </br>Fera Povreté concepvoir</br>En general un crueulx hoir,</br>Vengence, et destruire l'or fin.</br>Puis doit Antecrist apparoir,</br>Que le monde approuche sa fin. </br>L'envoyr, Que le monde approuche sa fin.

Et les signes du ciel douloir Pour nostre dolereus chemin. Riens ne vault ce que deust valoir : Dieux nous vueille a bien esmouvoir,