Merciers sui, … Moult a ci bele compaignie !</br>Merciers sui, si port mercerie </br>Que ge vendisse volentiers, </br>Que ge ai besoig de deniers. </br>S'or vos plaisoit a escouter,</br>Bien vos savroie deviser </br>La mercerie que ge port, </br>Mais le fais sostenir m'est fort !</br>J'ai les mignotes ceinturetes,</br>J'ai beax ganz a damoiseletes, </br>J'ai ganz forrez doubles et sangles, </br>J'ai de bones boucles a cengles, </br>J'ai les chainetes de fer beles, </br>J'ai bones cordes a vïeles, </br>J'ai les guinples ensaffrenees, </br>J'ai aguilles encharnelees, </br>Jai escrins a metre joiax, encharnelees,

Mais, quant … J'ai borses de cuir a noiax, </br>Mais, quant les voi, pres que ne muir, </br>Tant les haz les borses de cuir !</br>Trop m'ont descreu mon chetel !</br>J'ai vif argent, el mont n'a tel, </br>Que ge mis en cuir de poisson</br>En .i. sac pelu de taisson.</br>J'ai de bon loutre a peliçons, </br>J'ai hermines et siglatons </br>Et orle de porpois de mer.</br>J'ai polain a secors orler,</br>J'ai les tres cointes aguilliers, </br>J'ai gratuises a peletiers, </br>J'ai braiex et lasnieres beles, </br>J'ai de bones trosses a seles, </br>J'ai les deeus a costurieres, </br>J'ai les diverses aumosnieres </br>Et de soie et de cordoan </br>Que je vendrai encor oan, </br>Et si en ai de plaine toile. </br>Et si vendroie bien .i. voile</br>A une nonain beneoite. </br>J'ai bons fers a metre en saiete, </br>J'ai bons cornez a treçoers, </br>Boucletes a metre en solers, </br>Fermaillez a enfanz de peutre. </br>J'ai beax laz a chapeax de feutre, </br>J'ai beles espingues d'argent, </br>Si en ai d'archal ensement </br>Que ge vent a cez gentix femes.</br>J'ai de beax cuevrechiés a dames</br>Et coiffes laceïces beles</br>Que ge vendrai a cez puceles,</br>Et de soie par covenant, </br>A chapeax d'orfrois par devant.</br>S'en ai de lig a damoiseax</br>A floretes et a oiseax, </br>Bien lichiees et bien polies, </br>A coiffier devant lor amies.</br>S'en ai de chanvre a cez vilains, </br>Et moffles a metre en lor mains.</br>J'ai canpeneles de mostier,</br>J'ai buleteax a bolangier, </br>J'ai croissoeres a gasteax, a bolangier, J'ai croissoeres a gasteax, +, J'ai laz a sercoz a noiax, J'ai sonetes d … J'ai laz a sercoz a noiax, </br>J'ai sonetes de trop beau tor, </br>J'ai de bons flageus a pastor, </br>J'ai cuilliers de bois et de tranble </br>Que j'achetai totes ensanble.</br>J'ai chauces de Bruges faitices, </br>Argentpel pour metre en esclices, </br>J'ai ameçons a peschëors,</br>J'ai fers d'alernes a suors, </br>J'ai les hacetes a seignier,</br>J'ai les pignes a chief pignier, </br>J'ai le bon savon de Paris,</br>J'ai bons coffrés ou il est mis.</br>J'ai fermaillez d'archal dorez</br>Et de laiton sor argentez ; </br>Et tant les aim çax de laiton :</br>Sovent pour argent le meton ! </br>N'ai pas tote criee m'ensaigne :</br>J'ai bon soffre a garir de taigne, </br>J'ai couteax charteins et a pointes, </br>Dont cil bachelier se font cointes.</br>J'ai beax clareins a metre a vaches, </br>J'ai beax freseax a faire ataches </br>A gros botons d'or et de soie. </br>J'ai mainte ferree corroie, </br>Rouges et verz, blanches et noires, </br>Que ge vent moult bien a cez foires. </br>Si ai boites de mostier maintes, </br>Netes, polies et bien paintes ; </br>Si ai l' ençans et l' ençanssier, </br>L'orçuel atote la cuillier. </br>J'ai table, grefes et greffiers </br>Dont je reçoif de bons deniers </br>De cez clers, de bones maailles. </br>Si ai maintes riche toailles </br>Que loient a cez hautes festes</br>Sez gentix femes sor lor testes. </br>Si ai tot l'apareillement</br>Dont feme fait forniement : </br>Rasoërs, forces, guignoëres, </br>Escuretes et furgoëres, </br>Et bendeax et crespisëors,</br>Traïneax, pignes, mirëors, </br>Eve rose dont se forbissent.es, mirëors, Eve rose dont se forbissent. +, J'ai queton dont eus se rougissent, J'ai … J'ai queton dont eus se rougissent, </br>J'ai blanchet dont eus se font blanches,</br>J'ai lacez a lacier lor manges, </br>J'ai gingenbre, j'ai garingaut </br>Qui fait cez clers chanter en haut, </br>Figues, dates et alemendes. </br>J'ai saffren a metre en vïandes,</br>Que ge vent a cez damoiseles</br>A faire jaunes lor toëles. </br>J'ai pomes granetes antieres,</br>Mais eus me sanblent mout chieres, </br>Et neporquant ges sai bien vendre, </br>Ou l'argent ou le vaillant prendre.</br>Autres espices ai ge totes,</br>Oignemenz a garir de goutes ; </br>J'ai le poivre, j'ai comin.</br>J'ai fil d'argent a mazelin </br>Et d'archal a ceus de manieres </br>Qui sont de lignaige a civieres. </br>J'ai dez du plus, j'ai dez du mains,</br>De Paris, de Chartres, de Rains. </br>Si en ai .ij., ce n'est pas gas, </br>Qui au hocier chieent sor as ! </br>J'ai fermaus d'archal et anieaus, </br>Et baudrez et faillois moult beaus </br>Dont ge doig .iij. sous pour .i. oef. </br>Il n'a gaires qu'il furent nuef !</br>J'ai beax museax a museler,</br>J'ai beax fresteax a fresteler,</br>Çaboz torneïz et pelotes, </br>Patrenostres a cez viellotes. </br>Ge ne sai mes que ge vos die : </br>El monde n'a la mercerie</br>Que home et feme acheter puissent </br>Que tot maitenant ne li truisse. </br>Une pilete ai ci pendue,</br>Grosse, pesant et estendue,</br>Que ge vendrai as chamberieres</br>A piler en totes manieres. </br>Bien la porrai vendre en plevine, </br>Qu'el est du rachuel de l'eschine. </br>Pileron a gros et fachuel,</br>Qu'el est du neu et du rachuel : fachuel, Qu'el est du neu et du rachuel : +  et Si ne fait pas a aviller, Ainz m'en doit … Si ne fait pas a aviller, </br>Ainz m'en doit on mielz estriner !</br>Venez avant, dame, venez ! </br>Venez avant, si m'estrinez </br>D'uef ou de fer ou de deniers : </br>Si m'alegera cist paniers. </br>Et vos, petites meschinetes, </br>Poez revenir as piletes ! </br>Or n'a çaienz nul si riche home</br>Qui miels n'amast une tel some </br>De mercerie s'il l'avoit</br>Et se bien garder la savoit.</br>Mais ge n'en puis nul bien avoir : </br>Onques n'i conquis point d'avoir </br>N'onques en riens que ge portasse</br>Ne gaaignai que ge mengasse. </br>Pour ce vueil jus le panier metre ;</br>Ge ne m'en vueil plus entremetre, </br>Ainz revenrai a la bilete</br>Dont ge mielz me sai entremetre. </br>Proiez Diex qu'en chatel me mete !</br>Explicit.oiez Diex qu'en chatel me mete !