Voir la source de List:129

{{BDPolima
|Nom auteur=Eustache Deschamps
|Titre=Ballade 857
|incipit=Je n'ay houseauls, chauces ne esperon
|Liste=Liste avec retours à la ligne
|Periode=1350-1400
|Langue=Langue vernaculaire
|Nation=FRANCE
|Typologie=Poésie
}}
{{Manuscrit
|Ville=PARIS
|Istitution=Bibliothèque nationale de France, Manuscrits
|CoteManuscrit=BnF fr. 840
|Support=parchemin
|Support 2=codex
|Folio=221
|verso=oui
|Image=Deschamps 221v.jpg
|Transcription=Je n'ay houseauls, chauces ne esperon, 
Manteau, pourpoint, que tout ne soit usé,
}}
{{ImageManuscrit
|Folio=222
|ImageM=Deschamps 222ra.jpg
|verso=non
|Transcription_Manuscrit=Hopelande, villain, ne chaperon,
Drap, linge entier, et quant j'ay bien musé, 
De mes chevaulx est mon hoste rusé :  
Finer n'en puis pour aler jusques au boys, 
Se gaige n'a, ainsi je suis amusé : 
Le crucefis et je n'ont que .ij. crois. 
Les chevaulx sont vielz ferrez au talon,
Ce qui pis est, sont de faim aveuglé, 
Grain ne voient. Je n'ay selle n'arçon,
Tasse, pannel, qui ne soit affolé,
Bride, poitral qui ne soit renoué,
Cengle rompue en deux pieces ou en trois ;
En cent lieux doy, mais, quant j'ay bien compté, 
Le crucifis et je n'ont que .ij. crois.
Courroie n'ay, tasse ne fremillon, 
Que n'aie de pieça endebté, 
Foy a mentir ne plege compaignon, 
Et si ay argent de pluseurs emprunté. 
Je ne voy mais nulle subtilité, 
Fors de fuir. Adieu, je m'en vois 
Se je ne suis d'aucun reconforté: 
Le crucifis et je n'ont que deux crois. 
[Envoy]
Princes, qui suit court de prince ou baron 
Souventefoiz devient mon compaignon, 
Ses varlés oït crier a haulte vois 
Et l'oste brait. Helas ! et que feron ? 
Le crucifis et je n'ont que deux croix.
}}
{{Deposant
|Nom du déposant=Madeleine Jeay
}}
{{Monographie
|autourmono=Queux de Saint-Hilaire
|Titremono=Œuvres complètes d’Eustache Deschamps
|Lieu=Paris
|Annéemono=1887
}}
Liste d’objets : vêtements et pièces d’équipement usés dans une ballade de plainte à cause du manque d’argent