Parcourir le wiki

De PolimaWiki
List:36
Cote Mi LM 6 +
Date d’édition 2004 +
Incipit Il n’a bele uevre en tot le mont  +
Istitution University Library  +
Langue Langue vernaculaire  +
Liste Liste avec retours à la ligne  +
Nation FRANCE  +
Nom auteur Raoul de Houdenc  +
Nom du déposant Madeleine Jeay  +
Pagin 196-199 +
Periode 1150-1200  +
Titre La Vengeance Raguidel  +
Titre du volume La Vengeance Raguidel  +
Trascription Il n’a bele uevre en tot le mont que on ne
Il n’a bele uevre en tot le mont que on ne puist dedens trover et se g'i fal à l'aconter, ne vos en devés mervellier car il a gens de maint mestier en la vile qui uevres font. Li uns fait dras, l'altres les tont, li uns foule, li autres taint. Cil fait sollers et cil les paint, cil fait botes et cil hosiaus. Cil peletier batent lor piaus, cil les eskeut et cil les tent, cil om les talle et cil les vent. Cil fait lorains et estereus. Asés i a de menestreus. Li uns fait frains, li autres seles d'asur pointes, rices et beles, et cil autre refont escus. Lances pointes et fers molus i font cil autre menestrel. Ja n'en entrisciés en ostel ù il n'eüst marceandise. Cotiax i font de mainte guise, s'en i trovast on, quis quesist. Cil fait hiaumes, cil les forbist, cil fait haubers et cil espees. Cauces de fer molt bien ovrees veïsciés as fenestres pendre. Onques rien ne fist Dex qu'a vendre ne trovisciés en cel castel : fremal ne çainture n'anel n'almosniere ne dras de soie, pine d'ivorie, que diroie ? Nus ne puet le ricece dire. Cil vent le poivre et cil le cire, cil vent le poit et cil comin, cil vent encens alixandrin, cil vent boistes a onguement. Teus se fait mire qui lor ment et tex lor dist qu'il set fisique quis tient a fols plains de musique. Mais il le fait por sa mere vendre, si fait au fol de langue entendre qu'il le garra de l'idropie. Plains est cil de melancolie qui par mire en cuide garir. Mire sevent trop bien mentir et mout bien lor mençogne cuevrent. Or vos dirai de çaus qui uevrent copes d'or et hanas d'argent, culliers, calices que on vent as provoires de ces mostiers. Cil cange, cil est monïers, cil fait borses et cil fait dés, cil fait orfrois estrois et lés, de plusors guises, gens et biax. Ces damoiseles font fresiax, braiels, çaintures, dras de soie. Qui s'esteüst enmi la voie, mervelles i veïst le jor. Maserins font cil torneor, juistes, boistes et escüeles. Cil fait harpes et cil vïeles, cil fait fleces, cil est arciers, Cil talle dras, cil est cauciers, Cil fait graius et cil trepiés. Li uns fait claus et fers a piés, cil fait hapes et cil serures et cil fait orceus et fremures, cil fait les pos et cil caudieres, paieles bien bones et cieres, que l'uevre n'estoit pas onie. Cil fait toniax et cil les lie, cil fait kevestres et estrilles et cil gouces et cil kevilles. Li uns vent pain, li altres vin. Asés i a des le matin Dusque al soir oiseax et poissons, et car de porc et venisons trovast on en la bocerie.
porc et venisons trovast on en la bocerie.  +
Type Image  +
Typologie Romans  +
Ville NOTTINGHAM  +
A une valeur incorrecte pour
« A une valeur incorrecte pour » est une propriété prédéfinie pour tracer les erreurs d’entrée pour les valeurs d’annotation incorrectes qui sont sans doute provoquées par une restriction de type ou de valeur autorisée.
Coordinates  +
Liste des catégories Pages avec une carte provenant de l’extension Maps , BDPolima
Date de modification
Cette propriété est une propriété spéciale dans ce wiki.
6 octobre 2016 08:55:46  +
Éditeur Gilles Roussineau +
cacher les propriétés qui pointent ici 
  Aucune propriété ne pointe vers cette page.
 

 

Entrez le nom de la page à partir de laquelle commencer la navigation.