Parcourir le wiki

De PolimaWiki
List:25
Auteurmono Étienne Barbazan +
Coordinates 46° 13' 39", 2° 12' 49"Latitude : 46.227638888889
Longitude : 2.21375
  +
Cote BnF fr. 837 +
Date de publication 1808 +
Folio 246  + , 247  +
Incipit Puisque povretez le justice  +
Istitution Bibliothèque nationale de France, Manuscrits  +
Langue Langue vernaculaire  +
Lieu de publication Paris +
Liste Liste avec retours à la ligne  +
Nation FRANCE  +
Nom auteur Guillaume de la Villeneuve  +
Nom du déposant Madeleine Jeay  +
Periode 1225-1250, 1275-1300  +
Support parchemin  +
Support 2 codex  +
Titre Les Crieries de Paris  +
Titremono Fabliaux et contes des poètes françois des XIe, XIIe, XIIIe, XIVe, XVe siècles  +
Transcription Puisque povretez le justice Or vous dira
Puisque povretez le justice Or vous dirai en quele guise Et en quele maniere vont Cil qui denrees à vendre ont Et qui penssent de lor preu fere, Que ja ne fineront de brere. Parmi Paris jusqu'à la nuit, Ne cuidiez vous qu'il lor anuit, Que ja ne seront à sejor : Oiez con crie au point du jor.
à sejor : Oiez con crie au point du jor.  +
Transcription Manuscrit Seignor, quar vous alez baingnier, Et est
Seignor, quar vous alez baingnier, Et estuver sans delaier, Li baing sont chaut, c'est sanz mentir. Puis aprés orrez retentir De cels qui les frés harens crient ! Or au vivet, li autre dient. Sor et blanc harenc frés poudré, Harenc nostre vendre voudré. Menuise vive orrez crier Et puis aletes de la mer. Oisons, pijons, et char salée, Char fresche moult bien conraee, Et de l’aillie à grant plenté. Or au miel, Diex vous doinst santé. Et puis aprés, pois chaus pilez, Et feves chaudes par delez, Aus et oingnons à longue alaine, Puis aprés cresson de fontaine, Cerfueil, porpié tout de venue, Puis aprés porete menue, Letues fresches demanois ; Vez ci bon cresson Orlenois. Li autres crie par dalez, J'ai bons mellenz frés et salez. L'aguille pour le viez fer ai, Or ça bon marchié en ferai. L'eve por pain, qui veut, si praingne ; J'ai bon frommage de Champaingne, Or i a frommage de Brie, Au burre frés n'oublie mie. Or i a gruel et forment Bien pilé et menuement. Farine pilée, farine ! Au lait, commere, ça voisine. Craspois i a, aoust de pesches, Poires de Chaillou, et nois fresches : Primes ai pommes de rouviau, Et d’Auvergne le blancduriau. Al balais si com je l’enten, L’autres crie : qui veut le ten ! L’autres crie : la busche bone, A deux oboles le vous done ; Huile de nois, or au cerniaux. Vinaigre qui est bons et biaus, Vinaigre de moustarde i a. Diex ! a il point de lie la ? J’ai cerises, or au verjus ; Or a la porée ça jus ; Or i a oés, or aus poriaus, Chaus pastez i a, chaus gastiaus.
oriaus, Chaus pastez i a, chaus gastiaus.  +
, Or i a poisson de Bondies, Chaudes oublee
Or i a poisson de Bondies, Chaudes oublees renforcies, Galetes chaudes, eschaudez, Roinssolles, ça denree aus dez ; Cote et la chape par covent, Clerc i sont engané sovent. Cote et sorcot rafeteroie, Et le cuvier relieroie : Huche et le banc sai bien refere : Je fai moult bien que je sai fere. J’ai joncheüre de jagliaus, Herbe fresche, les viez housiaus, Les sollers viez, et soir et main. Aus Freres de saint Jaque, pain, Pain por Dieu aus Freres Menors, Cels tieng je por bons perneors. Aus Freres de saint Augustin, Icil vont criant par matin ; Du pain aus Sas, pain aus Barrez, Aus povres prisons enserrez, A cels du Val des Escoliers, Li .i. avant, li autre arriers, Aus Freres des Pies demandent, Et li Croisié pas nes atandent, A pain crier metent grant paine, Et li avugle à haute alaine : Du pain à cels de Champ porri Dont moult sovent, sachiez, me ri. Les Bons Enfanz orrez crier Du pain, nes vueil pas oublier. Les Filles Dieu sevent bien dire Du pain, pour Jhesu nostre Sire. Ça du pain por Dieu aus Sachesses. Par ces rues sont granz les presses, Je vous di de ces genz menues ; Orrez crier parmi ces rues Menjue pain. Diex, qui m’apele ? Vien ça, vuide ceste escuele. Or viengne avant, gaaigne pain : J’esclarciroie pos d’estain, Je relieroie hanas. Du poivre por le denier qu’as, Or aus poires de hastivel, Jorroises ai à grant revel, Frés jonc, à moult grant alenee. Or ça à la longue denree. Noel, Noel, à moult granz cris, J’ai raïs de l’archaut, raïs. Cil qui crie, biau se deporte ; Qui vent le viez fer, si l’aporte.
porte ; Qui vent le viez fer, si l’aporte.  +
, Li autres dit autres noveles, Qui vent vi
Li autres dit autres noveles, Qui vent viez pos, et viez paieles. Li autres crie à grant friçon : Qui a mantel ne peliçon, Si le m’aport à rafetier. Li autres crie son mestier, Chandoile de coton, chandoile, Qui plus art cler que nule estoile. Aucune foiz, ce m’est avis, Crie on le ban le Roy Loys ; Si crie l’en en plusor leus, Le bon vin fort à .xxxij., A .xvi., à xij., à .vi., à .viij. ; Moult mainent crieor grant bruit. Crier orrez qui a à moudre ; J’aporte bones nois de coudre, Les flaons chaus pas nes oublie ; J’ai chastaingnes de Lombardie, Figues de Melite sanz fin ; J'ai roisin d’outre mer, roisin, J’ai porees, et s’ai naviaus, J’ai pois en cosse toz noviaus. L’autres crie feves noveles, Si les mesure à escueles, Hanni d'aoust flerant com bausme. L’autres crie chaume, i a chaume. J’ai jonc paré por metre en lampes, Bones eschaloingnes d’Estampes ; J’ai savon d’outre mer, savon. Des poires de saint Riule avon L’autres crie sanz delaier ; Je sers de pingnes à resoier. Quant mort i a, homme ne fame, Crier orrez, proiez por s’ame, A la sonete par ces rues. Dont orrez autres genz menues Poires d’angoisse crier haut. L’autres, pommes rouges qui vaut. Aiglentier por du pain l’en crie, Verjus de grain à fere aillie. Li uns borgons, li autres veilles, Cornilles meüres, cornilles. Alies i a d’aliier, Or i a boutons d’aiglentier ; Proneles de haie vendroie. Oiselés por du pain donroie. Nates i a, et naterons, Cerciaus de bois vendre volons. L’autres crie : gastiaus rastis, Je les aporte toz fetis,
gastiaus rastis, Je les aporte toz fetis,  +
, Chaudes tartes et siminiaus ; L’autres cr
Chaudes tartes et siminiaus ; L’autres crie : chapiaus, chapiaus. Gastel à feve orroiz crier, Charbon le sac por .i. denier ; Nesfles meüres ai à vendre. Le soir orrez sanz plus atendre, A haute voiz sanz delaier, Diex, qui apele l’oubloier ? Quant en aucun leu a perdu, De crier n’est mie esperdu, Prés de l’uis crie ou a esté : Aide, Diex de Maïsté, Com de male eure je fui nez, Com par sui or mal assenez ; Et autres choses assez crie, Que raconter ne vous sai mie. Tant i a denrees à vendre, Tenir ne me puis de despendre. Que se j’avoie grant avoir, Et de chascun vousisse avoir De son mestier une denree, Il auroit moult corte duree. Tant poi i ai mis que j’avoie, Tant que povretez me mestroie. Aprés mise ma robe jé, Lecherie m’a desrobé : Si ne sai més que devenir, Ne quel chemin puisse tenir. Fortune m’a mis en sa roe, Chacun me gabe et fet la moe, Si ferai, puis que suis en queche, Du meillor fust que j’aurai fleche. Expliciunt Les Crieries de Paris
i fleche. Expliciunt Les Crieries de Paris  +
Type Image  +
Typologie Dits et fabliaux  +
Verso non  + , oui  +
Liste des catégories Pages avec une carte provenant de l’extension Maps , BDPolima , Image , Monographie
Date de modification
Cette propriété est une propriété spéciale dans ce wiki.
22 mars 2017 19:14:49  +
cacher les propriétés qui pointent ici 
  Aucune propriété ne pointe vers cette page.
 

 

Entrez le nom de la page à partir de laquelle commencer la navigation.