Parcourir le wiki

De PolimaWiki
List:111
Date d’édition 1970 +
Incipit Engleterre Bretainne out nun  +
Langue Langue vernaculaire  +
Liste Liste avec retours à la ligne  +
Nation ROYAUME-UNI  +
Nom auteur Wace  +
Nom du déposant Madeleine Jeay  +
Pagin 161 + , 190 + , 218 + , 17-18 + , 27-28 + , 65-67 + , 171-172 + , 198-204 +
Periode 1150-1200  +
Titre Le Roman de Rou  +
Titre du volume Le Roman de Rou  +
Trascription Pur remembrer des ancesurs les feiz e les
Pur remembrer des ancesurs les feiz e les diz e les murs, les felunies des feluns e les barnages des baruns, deit l'um les livres e les gestes e les estoires lire as festes. Si escripture ne fust feite e puis par clers litte e retraite, mult fussent choses ublïees ki de viez tens sunt trespassees. Par luns tens e par lungs eages e par muement de languages unt perdu lur premereins nuns viles plusurs e regiuns. Engleterre Bretainne out nun, e primes out nun Albiun e Lundres out nun Trinovant, e Troie Nove out nun avant ; Everwic out nun Eborac ki primes fu Kaer Ebrac ; Suth Guales fu Demetia, North Guales Venedocia ; Escoce out nun jadis Albaine, Peitou e Gascuinne, Aquitaine, e Armoriche fu Bretainne, e Germainne fud Alemainne, e Culuinne out nun Agrippine, e Terruane out nun Morine, e Paris si out nun Lutece, e Pelasge, terre de Grece, Itaire, Puille e Lumbardie, Constantinoble, Besancie ; Effrata out nun Beethleem, e Gebus fu Jerusalem, Burguinne fud Allobroga, e Esfun out nun Cacua Judea fud Palestina, e Sebaste Samaria, e Orliens out nun Genabés, e Valuinnes out nun Nantés, e Roem out nun Rothoma, e Av(e)ranches Ausiona, France Guale, Guales Cambrie, e Normendie out nun Neustrie.
es Cambrie, e Normendie out nun Neustrie.  +
, A Feschamp fist une abeïe, la plus riche
A Feschamp fist une abeïe, la plus riche de Normendie ; tant i mist e tant i duna tut li pueples s'esmerveila. Ne vot mestier de sa meisun Duner, se a gentil humme nun. Gentil furent li chapelein, gentil furent li escrivain, gentil furent li cunestable e bien puissant e bien aidable ; gentil furent li senescal, gentil furent li marescal, gentil furent li butteillier, gentil furent li despensier ; li chamberlenc e li uissier furent tuit noble chevalier.
e li uissier furent tuit noble chevalier.  +
, Eis vus Mansels, eis vus Franceis, cels de Chartres e cels de Blais, cels de Meulent od Galerant, ki en l'estur unt grant haan, cil de Chartres siwent Odun, e li Mansel vunt od Huun, e Galerant sa gent conduit, Lances levees vienent tuit.  + , Sun bun cheval a demandé. « Or verrai », d
Sun bun cheval a demandé. « Or verrai », dist il, « ki vendra e or verrai ki me siwvra. » Ne fist aultre apareilement ; les wez passa delivrement, Baieues passa e Chaam, semblant fist d’aler a Ruem ; quant il vint al Punt Audumer, a Chaudebec ala passer, de Chaudebec as Bans le Cunte. - lunge parole ke vus munte ? - tant a li ducs puint e hasté, tant a suvent cheval remué, ke a Arches vint a sa gent. Ne pout de cels hummes trover k’il a Valoignes fist munter. Tute la gent s’en merveilla ke de si luing si tost vint la.
merveilla ke de si luing si tost vint la.  +
, Fist li reis tost assembler s’ost, en Norm
Fist li reis tost assembler s’ost, en Normendie vint mult tost ; e Guilliame semont Chauceis, Cels de Roem e de Romeis, Cels d’Evreues e d’Evrecin e la gent d’Auge e de Liesvin ; en Oismeis ont tost asenblé, quantqu’il orent partot mandé. Entre Argences e Mesedon, sor la riviere de Leison se herbergierent cil de France, e joste l’eve de Meance, que par Argences vait corant, se herbergierent li Normant qui a Guylaine se teneient e en sa besoigne veneient.
ine se teneient e en sa besoigne veneient.  +
, De par tot fist sa gent mander ; la gent
De par tot fist sa gent mander ; la gent de dous parz a mandee si come Seigne l’a devisee. Cels de Reins e cels de Seissons, cels de Leun e de Noions, cels de Meaus e de Vermendeis, cels de Pontif e d’Amineis, cels de Flandres e de Belmont. toz cels qui ultre Seigne sont, cels de Brie, cels de Provinz, A cenz, a milliers et a vinz, fist en Belveisin assembler. …………. Fist li reis mander e banir e a Meante a lui venir ; cels de Toroigne e cels de Bleis, cels d’Oliens e de Vastineis, cels del Perche e cels de Chartrain, cels de boscage e cels de plain. de Boorges e de Berri, d’Estampes, de Montliheri, de Gien e de Chasteillon, de Sanz e de Chastel Landon fist li reis venir a Meante. ………….. Gwilliame fu en grant esfrei, qui mult dota l’orgol del rei ; de sa gent refist dous parties, sin establi dous compaignies. Devers Chauz mist Gauter Gifard e cels qui sunt de cele part, le conte d’Ou, Robert ont non, e de Gornai le vieil Huon ; od cels mist Guilliame Crespin, qui grant terre out en Veguesin ; cil orent la gent del païs e lor parenz e lor amis. L’autre gent out li dus od sei, qui remaindront contre le rei. Venir fist cels de Beiessin e les barons de Costentin, e cels del val de Moretoig e d’Avrenches, qui est plus loig, Raol Taisson de Cingueleis, les chevaliers d’Auge e d’Oismeis, cels out li dus ensemble od sei.
’Oismeis, cels out li dus ensemble od sei.  +
, La fu Heraut od ses amis e od les barons
La fu Heraut od ses amis e od les barons del païs que il out semons e requis. Venuz furent delivrement cil de Londres e cil de Kent, cil de Herfort e cil d’Essesse, cil de Surree e de Sussesse, de Saint Edmont e de Sufoc e de Norwiz e de Norfoc, de Cantorbiere e de Stanfort e cil vindrent de Bedefort ; venu sunt cil de Northantone, e cil qui sunt de Hondetone, de Warwic, de Bokinkehan, de Bedi, de Notinkehan, de Lindesie e de Nichole vindrent qui sorent la parole. Deça deverz soleil cochant, veïssiez venir gent mult grant, de Salebiere e de Dorsete e de Ba e de Somersete, mult en vint devers Gloëcestre, mult en vint devers Wirecestre, de Wincestre, de Hontesire e del conté de Brichesire. Mult en i vint d’altres contrees que nos n’avon mie nomees ; Ne poon mie tot nomer Ne ne volon tot aconter.
on mie tot nomer Ne ne volon tot aconter.  +
, Li boen citean de Roem e la jovente de Ch
Li boen citean de Roem e la jovente de Chaem, e de Faleise e d’Argentoen e d’Anisié e de Matoen. cil qui ert sire d’Aubemare e dam Guillame de Romare, e li sire de Lutehare e cil de Touke e de la Mare, e li sire de Neauhou, e un chevalier de Pirou, Robert, li sire de Belfou, e cil qui ert sire d’Alnou, li chanberlenc de Tancharvile, e li sire de Stotevile, e Wiestace d’Abevile, e li sire de Magnevile, Guillame que l’en dist Crespin, e li sires de Saint Martin, e dam Willame des Molins, e cil qui iert sire des Pins, tuit cil furent en la bataille, n’i a cil d’els qui mult n’i vaille. Un vassal de Grenstemaisnil fu mult le jor en grant peril, ker son cheval le tresporta, por poi que il nel tresbucha a un boissun qu’il tressailli ; par les regnes le frein rompi e li chevals sailli avant, vers les Engleis ala corant ; er li Engleis, qui s’aperçurent, haches levees li corurent. mais li chevals s’espoënta, arriere vint donc il torna. De Meaine li viel Gisfrei, e de Bohon li viel Onfrei, de Cartrai Onfrei e Maugier qui esteit novel chevalier, e de Garene i vint Willemes - mult li sist bien el chief li helmes - e li viel Hue de Gornai, Ensenble od lui sa gent de Brai ; od la grant gent que cist menerent mult en ocistrent e tuerent. E Engerout de Laigle i vint, l’escu al col, la lance tint, sor Engleis fiert de grant aïr, mult se pena del duc servir ; por terre qu’il li out pramise s’entremist mult de son servise ; e li visquens, cil de Toarz n’i fu mie li jor coarz. D’Avrenceïn i fu Richarz, ensemble od lui cil de Biarz, e li sires de Sollignié, e li boteilliers d’Aubinié, cil de Victrié e de Lacié, de Valairié e de Tracié, e cil furent en un conrei, sor Engleis fierent demanei. ne dotoent pel ne fossé, maint home ont le jor enversé, maint boen cheval i unt tué, e d’els maint hoem i out naffré. Hue, li sires de Montfort, cil d’Espinei e cil de Port, cil de Corcié e cil de Jort i unt le jor maint home mort ; cil ki fu sire de Reviers, out grant plenté de chevaliers, cil i ferirent as premiers, Engleis folent od les destriers. Li viel Willame de Moion out ovoc li maint compaignon ; de Cinqueleis Raol Taisson e li viel Rogier Marmion s’i contindrent comme baron, pois en orent grant guerredon. Joste la compaigne Neel chevalcha Raol de Gael, Bret esteit e Bretons menout, por terre serveit que il out, mais il la tint asez petit ker il la forfist, ço fu dit. Des Biarz i fu Avenals, Des Mostiers Hubert Paienals, Robert Bertram, qui esteit torz, mult i out homes par lui morz. Li archier de Val de Rooil, ensenble od els cils de Bretoil, a maint Engleis creverent l’oil od li saetes acerees qu’il aveient od els portees. Cels de Sole e cels d’Oireval, de Saint Johan e de Brehal, cels de Brius e cels de Homez veïssiez mult de ferir prez, li escuz sor lor chiés meteient, les cols des haches receveient ; mielz voleient iloc morir, que a lor dreit seignor faillir. Cil de Saint Segus e de Quaillié e li sire de Semillié, de Basquervile i fu Martels, dejoste lui cil de Praels, cil de Goïnz e de Sainteals, de Viez Molei e de Monceals, cil qui ert sire de Pacié, e li seneschals de Corcié, e uns chevaliers de Lacié, ensenble od els cil de Gacié, e cil d’Oillié e de Sacié, e li sire de Vaacié, del Torneor e de Praeres, e Guillame de Columbieres, e Gilbert li viel d’Asnieres, de Chaaignes e de Coisnieres, li viel Hue de Bolebec, e dam Richart, qui tient Orbec, e li sires de Bonesboz, e cil del Sap e cil de Gloz, e cil qui donc teneit Tresgoz ; dous Engleis fist tenir por soz, l’un od sa lance acraventa, l’un od s’espee escervela, poinst le cheval, si retorna si que Engleis ne le tocha. E li sire de Monfichet, qui de bois garder s entremet, l’ancestre Hue le Bigot, qui aveit terre à Maletot e as Loges e a Chanon, le duc soleit en sa maison servir d’une seneschaucie, mult out od lui grant compaignie.
chaucie, mult out od lui grant compaignie.  +
Type Image  +
Typologie Romans  +
A une valeur incorrecte pour
« A une valeur incorrecte pour » est une propriété prédéfinie pour tracer les erreurs d’entrée pour les valeurs d’annotation incorrectes qui sont sans doute provoquées par une restriction de type ou de valeur autorisée.
Coordinates  +
Liste des catégories Pages avec une carte provenant de l’extension Maps , BDPolima , Image
Date de modification
Cette propriété est une propriété spéciale dans ce wiki.
18 novembre 2016 21:04:51  +
Éditeur A. J. Holden +
cacher les propriétés qui pointent ici 
  Aucune propriété ne pointe vers cette page.
 

 

Entrez le nom de la page à partir de laquelle commencer la navigation.