List:160

De PolimaWiki
Type Image
Nom auteur Anonyme
Titre La complaincte du nouveau marié
Incipit A mesnaige fault pain et vin
Forme de la liste Liste avec retours à la ligne
Periode 1450-1500
Langue Langue vernaculaire
Lieu de production
Pays FRANCE
Région
Espace hors Europe
Chargement de la carte...
La coordonnée suivante n'a pas été reconnue : <div><span class="errorbox">Erreur fatale&#160;: Failed to parse or geocode</span></div><br /><br />.
La coordonnée suivante n'a pas été reconnue : <div><span class="errorbox">Erreur fatale&#160;: Failed to parse or geocode</span></div><br /><br />.
Typologie Poésie
Autres
Mot clé Poésie, Liste avec retours à la ligne, FRANCE, 1450-1500, Langue vernaculaire



Titre du volume Recueil de poésies françoises des XVe et XVe siècles
Titre de l’article/ partie /chapitre :
Ville
Institution
Cote Manuscrit
Éditeur scientifique : Anatole de Montaiglon
Date d’édition 1855
Page(s) : t. I, p. 218-222
Image : [[Image:|300px]]
Lien image :
Transcription : [[Trascription::Or escoutés communement

Et nous vous dirons en present Une chanson rimee ; C’est sans donner advisement A ceulx qui ont entendement D’avoir femme espousee. Quant je me marié l'autre ier, Je ne fus mye sayge ; Je me mis en trop grant dangier Quant j'entray en mesnaige.

Quant en mesnaige fus entrés, Et je me fus advisés, Il ne me tint de rire ; Des povrettés y a assés ; D'y demeurer suis tant lassés Que je ne le sçay dire. Ma femme me print à tencer Quant ce vint à quinzaine ; A mesnage n'a qu'encombrier ; Oncques ne vy tel peine.

A mesnaige fault pain et vin, Sarges, et coustes, et cous[s]in, Varlet et chamberiere, Nappes, touailles, draps de lin, Coqs et gelines et poussin, La crible et la chiviere, Ratel et petel et mortier, Et la pelle à l'avaine, Potz de cuy[v]re et mainte cuyllier, Robe et draps de layne.

Mesnaige veut tables et bans En mesnaige aux petits enfants Qui sont assés de haire ; En mesnaige faut des lyans Pour mener les vaches aux champs, C'est chose necessaire. En mesnaige fault des brebis, Pourceaux, beufz et charrettes, Les ceaulz pour tirer l'eau du puis, La hotte et la brouette.

En mesnaige fault chat et chien, Qui mengusent et ne font rien, Et chevaulx en estables. Soufflés, lanternes, font grant bien ; Pois, febves, par sainct Julien, Ils sont moult proufitables. Aux [et] ongnons et harenc sor Pour manger en caresme. Mesnaige veult argent et or Sans avoir nesung terme.

A mesnaige fault des cousteaux, Chausses, souliers et estivaux, La sarpe et la congnee ; Potz d'estaing, escuelles, plateaux, Chaulderons, poilles et vaisseaulx, Fault à qui se marie. En mesnage fault des balais Et chambre bien garnie, Poisles de fer et les chienetz, Et une cremylye.

La huche en quoy on mect le pain, Chandeliers de fer ou d'arain, Le treppié, les sallieres, Sacs et belluteaux pour certain, Et gancs pour mettre en sa main, Bourses et gibecieres, Fil [et] esguilles et mirouer, Les forces et le peigne, Broches de fer, aussi trenchouer Et vaisseaulx de cuisine.

En mesnage fault des berceaulx Et petits poillons et langeaulx, Des nattes et du feurre ; Nul n'y entrera, ja si chaulx, Si dur, si legier, ne sy baulx, Qu'il n'y ayt assez haire. Ung gril y fault et un havet, Et cuve baigneresse Et ung travoul et ung thouret ; Il n'y a que tristesse.

En mesnaige fault un flaiel, Des turcaises et un martel, Cribles, vans et corbeilles, Tasses d'argent en riche hostel, Ou ung plus beau riche jouel, Chaises, formes et seelles, Sel, grés, vin aigre et verjus, Huylle pour le potaige, Les clefs dont on ferme les hus ; Tout tient lieu en mesnaige.

En mesnage faut Dam Denier ; Il n'est nul meilleur mesnagier, Foy que doyt saint Eustace, Mainte grant cuve et grant panier ; Lever matin et tart couchier, Mainte femme en est lasse. En mesnaige fault le myssouer Pour myssier la porte, Quenouille, fuseau et batouer Pour battre la buee.

En mesnage fault ung jardin, Mesures et auges à vin, Et la houe et la pelle. En mesnage fault maint escrin, Potz de terre, par saint Martin, Ratelier et esehelle. En mesnage faut ung boessel, Et charbon et chandelle, Esperons, espee et mantel, Housse, cheval et scelle.

En mesnage fait bon entrer ; Vous qui vous voullés marier, Ne vous atargés mye. Mariés vous sans demourer. Tel c'est marié cest yver, Je le vous certiffie, Qui aymast mieulx, par sainct Orner, Que il ne le fust mye. Or veulx-je ma chanson finer ; Dieu gard qui l’a ouye.]]


Nom du déposant Madeleine Jeay

Liste d'objets et de fournitures du ménage.

Faits relatifs à List:160 — Recherche de pages similaires avec +.
Date d’édition1855 +
IncipitA mesnaige fault pain et vin +
LangueLangue vernaculaire +
ListeListe avec retours à la ligne +
NationFRANCE +
Nom auteurAnonyme +
Nom du déposantMadeleine Jeay +
PaginT. I, p. 218-222 +
Periode1450-1500 +
TitreLa complaincte du nouveau marié +
Titre du volumeRecueil de poésies françoises des XVe et XVe siècles +
TypeImage +
TypologiePoésie +
ÉditeurAnatole de Montaiglon +