Cette page fournit une simple interface de navigation pour trouver des entités décrites par une propriété et une valeur nommée. D’autres interfaces de recherche disponibles comprennent la page recherche de propriété, et le constructeur de requêtes ask.

Liste de résultats

• List:114  + (A l'escosse vindrent tel cent Qui assez o … A l'escosse vindrent tel cent </br>Qui assez orent hardement : </br>Reis Menelaus, reis Ulixès </br>E uns autre, Polibetés ; </br>Li forz, li granz Telepolus, </br>Palamedés e Sthelenus </br>Reis Polidarius li gras, </br>Nestor li vieuz, li reis Thoas, </br>Ascalaphus e Archelaus </br>E Telamon e Aïaus ; </br>Menesteü le pro, le sage.</br>E li riches reis de Cartage </br>E li beaus Eüialus, </br>Philitoas e Theseü, </br>E tel seisante autre Grezeis </br>Dont li plus povre ert dus o reis. </br>Cil vindrent tui a la meslee. </br>De la rot grant gent aüee, </br>Quar il i fu reis Pandarus, </br>Apon li vieuz e Adrastus, </br>Li reis Nesteus, li reis Garas, </br>Reis Merceré, reis Sanias, </br>Reis Cpesus, cil de Larise </br>E li vertuos reis de Frise </br>Li reis Remus de Cisonie, </br>Eüfemes de Liconie </br>E li reis de Trace Acamus ; </br>Reis Steropeus, reis Antipus, </br>Reis Sarpedon, reis Heseüs </br>E li très beaus Archilogus ; </br>Philemenis li granz, li proz : </br>Icist furent al bosoing toz, </br>Paris i fu e li Bastart, </br>Qui ne sont mauvais ne coart : </br>Soz ciel n'a gent qui plus d'eus vaille </br>Ne en estor ne en bataille. d'eus vaille Ne en estor ne en bataille.)

• List:114  + (De Miceines i fist venir Agamennon cent n … De Miceines i fist venir </br>Agamennon cent nes guarnies, </br>D'omes e d'armes replenies. </br>De Parte en i ot Menelaus </br>Seisante, pleines de vassaus. </br>E de Boëce e de l’onor, </br>Entre Archelaus e Prothenor, </br>En i orent cinquante beles, </br>Trestotes fresches e noveles. </br>Ascalaphus e Almenus, </br>Li uns ert cuens, li autre dus, </br>En orent trente a lor partie </br>De la terre d'Orcomenie. </br>Epistrophus e Scedius </br>En orent cinquante, e non plus, </br>Bien guarnies, jol vos plevis, </br>De la terre de Phocidis. </br>Telamonius Aïaus </br>I vint tre bien corne vassaus : </br>Cinquante en ot en la marine, </br>Qu'ot fait venir de Salemine. </br>Teüer ot a compaignon </br>E Amphimac e Dorion, </br>Polixenart e Theseü : </br>Li plus povre fu cuens o dus. </br>De Pile en i aveit oitante </br>Li vieuz Nestor, totes a cante ; </br>Cinquante en i aveit Thoas </br>De la cité de Tolias ; </br>Hunerius, quarante e treis </br>De la terre d'Essimiëis. </br>Trente e set en ot li vassaus </br>Oïleïus Aïaus </br>De Logres, sa terre demeine : </br>N'i aveit celi ne fust pleine </br>D'omes, d'armes e de vitaille, </br>Toz volenteïs de bataille. </br>Trente en aduist de Caledoine, </br>Senz escondit e senz essoine, </br>Philitoas e Antipus : </br>Li uns fu reis, li autre dus. </br>Idomeneus e Merion </br>De Crète e de la region </br>En i amenerent oitante, </br>Beles e granz, totes a cante. </br>D'Achaie, granz e forz adés, </br>En i ot cinquante Ulixés. </br>Emelius en i ot dis, </br>De la contree de Pigris. </br>De la terre e de la contree </br>Que Pilaca est apelee </br>En ot cinquante Potarcaus, </br>E il e danz Proteselaus. </br>Danz Machaon, danz Polidri, </br>Qui furent fil Escolapi, </br>En i aduistrent trente e dous </br>De la terre de Tricios. </br>De Phice, que de mer est prés, </br>En i ot cinquante Achillés.</br>De Rode, une isle desor mer, </br>En fist dis pleines amener </br>Telepolus, uns riches reis, </br>Qui mout ert amez de Grezeis, </br>Euripilus d'Orcomenie, </br>Uns reis de mout grant seignorie,</br>En ot cinquante bien guarnies, </br>Bien chargiees e bien emplies. </br>D'Elide, une terre sauvage, </br>En ot o sei onze al rivage </br>Danz Antipus e Amphimaus : </br>N'en ert a dire tref ne maus. </br>Si corn la Letre me devise,</br>Seisante en i ot de Larise </br>Polibetés e Leontins, </br>Qui esteient germains cosins. </br>Diomedés e Sthelenus </br>E li beaus Eurialus </br>I aduistrent oitante barges </br>De la cité, de l'onor d'Arges. </br>De la terre de Melibee </br>Que donc n'ert guaires habitee, </br>En i ot set Philotetés, </br>Qui mout esteit fel e engrés. </br>Uns reis de Cipe Cuneus </br>Onze en i ot e neient plus. </br>Cinquante en i ot de Manese,</br>N'en i aveit nule remese,</br>Prothoïlus, quin esteit sire, </br>Riches, poissanz de grant empire. </br>Agapenor de Capadie </br>En rot cinquante en la navie, </br>E de Pise en i ot Crenos </br>Trestot par conte vint e dous. </br>Menesteüs, li dus d'Athenes </br>En i aveit cinquante teles, </br>Forz e guarnies des meillors. </br>Ço dit e conte li autors, </br>Quarante e nuef furent par non,</br>Tuit riche rei e fort baron, </br>Qui mil e cent nes amenerent </br>E trente : a itant les nombrerent.nerent E trente : a itant les nombrerent.)