Ou … Force de corps, qu’est devenu Sanson ?</br>Ou est Auglas, le bon praticien ?</br>Ou est le corps du sens de Salemon </br>Ne d’Ypocras le bon phisicien ?</br>Ou est Platon, le grant naturien, </br>Ne Orpheüs a sa doulce musique ?</br>Tholomeüs o son arismetique,</br>Ne Dedalus qui fist le bel ouvrage ?</br>Ilz sont tous mors, si fu leur mort inique.</br>Tuit y mourront, et li fol et li saige. </br>Qu'est devenus Denys, le roy felon ?</br>Alixandre, Salhadin, roy païen,</br>Albumasar ? Mort sont, fors que leur nom.</br>Mathussalé, qui tant fu ancien,</br>Virgille aussi, grant astronomien, </br>Julles Cesar et sa guerre punique,</br>Auffricanus Scipio, qui Auffrique</br>Pour les Ronmains conquist par son bernage ?</br>Redigez sont ceulz en cendre publique.</br>Tuit y mourront, et li fol et li saige. </br>Ou est Artus, Godeffroy de Buillon, </br>Judith, Hester, Penelope, Arrien, </br>Semiramis, le poissant roy Charlon,rien,

Pierres … George, Denys, Christofle, Julien,</br>Pierres et Pols, maint autre crestien, </br>Et les martirs ? La mort a tous s'applique.</br>Nulz advocas pour quelconque replique</br>Ne scet plaidier sanz passer ce passage,</br>Ne chevalier tant ait ermine frique.</br>Tuit y mourront, et li fol et li saige. </br>Puisqu'ainsi est, et que n'y avison,</br>Laisse chascun le mal, face le bien. </br>A ces princes cy dessus nous miron </br>Et aux autres qui n'emporterent rien </br>A leurs trespas fors leurs biens fais, retien, </br>Pour l'ame d'eulz, leur renom auttentique. </br>N'est qu'a leurs roys d'exemple une partie, </br>D'eulz ressembler en sens, en vasselage.</br>Ce monde est vain, decourant, erratique ; </br>Tuit y mourront, et li fol et li sage.</br>Mais j'en voy pou qui en deviengne bon</br>Et qui n'ait chier l'autrui avec le sien.</br>De convoitise ont banniere et panon</br>Maint gouverneur de peuple terrien.</br>Las ! Homs mortelz, de tel vice te abstien,</br>En gouvernant par le droit polletique ;</br>Ce que Dieu dit regarde en Levitique,</br>Si ne feras jamais pechié n'oultrage.</br>Preste est la mort pour toy bailler la brique :</br>Tuit y mourront, et li fol et li saige.</br>L'envoy </br>Princes mondains, citez, terres, donjon, </br>Biauté de corps, force, sens, riche don, </br>Joliveté, ne vostre hault parage, </br>Ne vous vauldront que mort de son baston </br>Ne vous fiere soit a bas ou hault ton : </br>Tuit y mourront, et li fol et li saige.: