Qu'est devenu David et Salemon,
Mathussal … Qu'est devenu David et Salemon, </br>Mathussalé, Josué, Machabée, </br>Olofernes, Alixandre et Sanson, </br>Julles Cesar et Hector et Pompee ? </br>Ou est Crises a tout sa renommée, </br>Artus li roys, Godeffroy, Charlemaine, </br>Daires li grans, Hercules, Tholomee ? </br>Ilz sont tous mors, ce monde est chose vaine. </br>Qu'est devenuz Denys, le roy felon,</br>Job le courtois, Thobie et leur donnee, </br>Aristote, Ypocras et Platon,</br>Judich, Hester, bonne Penelopee</br>Royne Dydo, Pallas, Juno, Medee, </br>Guenievre, Yseult et la tresbelle Helaine, </br>Palamides, Tristan a tout s'espée ?</br>Ilz sont tous mors, ce monde est chose vaine.</br>Ou est alez Lancelot au cuer bon </br>Et Theseus qui la mer a cerchee, </br>Dyomedes ? Qu'est devenu Jason </br>Qui en Colcos prist la toison doree, </br>Et Romulus qui a Romme fondee, </br>Roy Salhaldin qui tant povoit de paine, </br>Bon Sarrazin, et toute leur armee ? </br>IIz sont tuit mort, ce monde est chose vaine. </br>Ou est cellui qui conquist Arragon?aine.
Ou est cellui qui conquist Arragon?
+