N'a gaires q … En une grant fourest et lee </br>N'a gaires que je cheminoie, </br>Ou j'ay mainte beste trouvee, </br>Mais en un grant parc regardoye. </br>Ours, lyons et liepars veoye, </br>Loups et renars qui vont disant </br>Au povre bestail qui s'effroye : </br>Sa de l'argent, ça de l'argent ! </br>La brebis s'est agenoillee, </br>Qui a respondu comme coye : </br>J'ay esté .iiij. fois plumee,</br>Cest an ci, point n'ay de monnoye.</br>Le buef et la vaiche se ploye,</br>La se complaingnoit la jument. </br>Mais on leur respont toute voye :</br>Sa de l'argent, ça de l'argent !</br>Ou fut tel paroule trouvee </br>De bestes trop me merveilloie. </br>La chievre dist lors : ceste annee </br>Nous fera moult petit de joye ;</br>La moisson ou je m'attendoye </br>Se destruit par ne sçay quel gent. </br>Merci, pour Dieu, et va ta voye. </br>Sa de l'argent, sa de l'argent ! </br>La truie qui fut desesperee, </br>Dist : Il fault que truande soye,</br>Et mes cochons. Je n'ay derree</br>Pour faire argent. — Ven de ta soye,</br>Dist li loups, car ou que je soye,</br>Le bestail fault estre indigent. </br>Jamais pitié de toy n'aroye :</br>Sa de l'argent, sa de l'argent !</br>Quant celle raison fut finee,</br>Dont forment esbahis estoye. </br>Vint a moy une blanche fee,bahis estoye.

En disant : … Qui au droit chemin me ravoye,</br>En disant : se Dieux me doint joye,</br>Sers <sic> bestes vont a court souvent,</br>S'ont ce mot retenu sanz joye :</br>Sa de l'argent, sa de l'argent ! </br>L'envoy </br>Prince, moult est auctorisee </br>Et court par tout communement </br>Ceste paroule acoustumee : </br>Sa de l'argent, sa de l'argent !stumee :