List:84
| Type | Image | ||||||
|---|---|---|---|---|---|---|---|
| Nom auteur | Eustache Deschamps | ||||||
| Titre | Ballade 340 | ||||||
| Incipit | Un chien, un chat, un lievre et un connin | ||||||
| Forme de la liste | Liste avec retours à la ligne | ||||||
| Periode | 1350-1400 | ||||||
| Langue | Langue vernaculaire | ||||||
| Lieu de production |
La coordonnée suivante n’a pas été reconnue : Geocoding failed.La coordonnée suivante n’a pas été reconnue : Geocoding failed. |
| Typologie | Poésie |
|---|---|
| Autres | |
| Mot clé | Poésie, Liste avec retours à la ligne, FRANCE, 1350-1400, Langue vernaculaire |
| Ville | PARIS |
|---|---|
| Institution | Bibliothèque nationale de France, Manuscrits |
| Cote Manuscrit | BnF fr. 840 |
| Support (matière) | parchemin |
| Support (forme) | codex |
| Support (commentaire) | |
| Folio | 112 |
| Page | |
| Verso | non |
| Image | 
|
| Transcription | Un chien, un chat, un lievre et un connin,
Un esprevier, un oisel de riviere, Et les poissons refusent a l'engin. Quant prins y sont en aucune maniere, S'ilz eschapent, ilz se traient arriere, D'y rembatre n'ont nulle fois envie. Toudis pensent a leur prinse premiere. Dont est cilz fouls qui deux fois se marie. Qu'a la premiere a moult paine et hutin D'ostel querir, de querre chamberiere. |
| Folio : | 112 |
|---|---|
| Page(s) : | |
| Verso : | non |
| Image : | 
|
| Transcription : | Il y fault lart, blef, charbon, buche et vin,
Liz, couvertoirs, linges, draps, robe entiere, Poz de metail, chauderon et chaudiere, Femme servir toute nuit anuitie, Ouir ses mos, souffrir sa dure chiere; Dont est cilz foulz qui deux foiz se marie. De ses dolours ne puet venir a fin : Le cherretier brait, le bouvier, la bergiere. Il couche tart, il se lieve matin, Petis enfans lui crient au derriere. Maigres devient, sa femme lui est fiere. Quant elle muert, s'il renchiet, c'est folie, Car jamais jour il n'ara joye entiere. Dont est cils foulz qui deux fois se marie. Jamais ne deust entrer en ce chemin, Ne charruier en si parfonde ourniere. Car de cent un n'y voy pas pelerin Qui n'y laisse bourdon et alouyere, Escharpe et tout jusques au cymitiere : C'est un tourment qui abrège la vie. Li plus jolis s'en met sur la litiere : Dont est cilz foulz qui deux foiz se marie. Mais seulz homs est trop plus que beste enclin A son maleur et sa fin derreniere, Quant il ne fuit de la serpent le crin Dont soufert a la poison droituriere. Humble se faint, de copcion legiere, Au commencier, n'en doubtez mie. Mais elle point quant prins a s'estrayere : Dont est cilz foulz qui deux foiz se marie. L'envoy Prince, autant vault d'aler noier en Rin Que rencheoir en tel forsenerie, Ou truander au four et au moulin : Dont est cilz foulz qui deux fois se marie. |
| Nom du déposant | Madeleine Jeay |
|---|
| Auteur | Titre | Lieu de publication | Date de publication |
|---|---|---|---|
| Queux de Saint-Hilaire | Œuvres complètes d’Eustache Deschamps | Paris | 1882 |
Liste d’objets : fournitures nécessaires à un ménage.