Je di … .I. dit novel, qui n'est pas granz. </br>Je di c’on doit les marcheanz </br>Deseur toute gent honorer </br>Quar il vont par terre et par mer </br> Et en maint estrange païs </br>Por querre laine et vair et gris. </br>Les autres revont outre mer </br>Por avoir de pois achater. </br>Poivre, ou canele, ou garingal. </br> Diex gart toz marcheanz de mal </br>Que nous en amendons sovent. </br>Sainte Yglise premierement </br>Fu par marcheanz establie. </br>Et sachiez que chevalerie </br> Doivent marcheanz tenir chiers </br>Qu'il amainent les bons destriers </br>A Laingni, à Bar, à Provins. </br>Si i a marcheanz de vins,</br>De blé, de sel et de harenc</br> Et de soie, et d'or et d'argent </br>Et de pierres qui bones sont. </br>Marcheanz vont par tout le mont </br>Diverses choses achater. </br>Quant vienent de marcheander </br> Il font mesoner lor mesons </br>Et mandent plastriers et maçons </br>Et couvreors et charpentiers. </br>Quant ont fet mesons et celiers, </br>Feste font de lor voisinage, </br> Puis en vont en pelerinage </br>Ou à saint Jaque ou à saint Gile. </br>Et, quant reviennent en lor vile, </br>Lor fames font grant joie d'els </br>Et mandent les menesterels. </br> Li uns tabore, l'autre viele, </br>L'autres redist chançon novele, </br>Et puis, quant la feste est faillie, </br>Si revont en marcheandie. </br>Li .i. en vont en Engleterre </br> Laines et cuirs et bacons querre ; </br>Li autre revont en Espaingne </br>Et tels i a vont en Bretaingne </br>Bues et pors, vaches achater. </br>Et penssent de marcheander </br> Et reviennent de toz païs,</br>Les bons marcheanz à Paris </br>Por la mercerie achater </br>Et sevent moult bien demander </br>Et Troussevache et Quiquenpoist. </br> Or escoutez, si ne vous poist : Or escoutez, si ne vous poist : +, Iluec pueent il bien trover Toutes choses … Iluec pueent il bien trover </br>Toutes choses à achater </br>Qui à la mercerie apent : </br>L'or empaillolé et l'argent, </br> Corroies de soie, aumosnieres </br>Et joiaus de maintes manieres, </br>Cuevrechiez crespés, melequins, </br>Pailes ouvrez, riches et fins, </br>Guimples, fresiaus, coutiaus d'yvuire </br> Et maint riche joiel trefuire </br>Et riches croces à evesques, </br>A abez et à archevesques, </br>Crucefiz et ymagerie </br>D'argent et d'yvuire entaillie. </br> Tout raconter ne vous porroie </br>Les joiaus d'argent et de soie </br>Et de fin or i trueve l'on. </br>Des autres marcheans diron. </br>Il i a marcheanz de dras, </br> Et de toile et de chanevas. </br>De basane et de cordouan, </br>De cire, d'alun, de safran, </br>De dras dorez et de cendaus. </br>Si a marcheanz de metaus </br> Que l'on redoit forment amer. </br>Il i a marcheanz de fer </br>Et si i a, que je n'oublie, </br>Marcheanz de peleterie, </br>D'ermine, de vair et de gris, </br> De piaus d'aigniaus et de brebis, </br>De poisson frés et de salé, </br>De fain et d'avaine et de blé, </br>De gaude et de waide por taindre. </br>Des marcheanz ne me vueil faindre : </br> Il i a marcheanz de plon </br>Et de busches et de charbon, </br>D'estain, de cuivre et de metal, </br>D'orfaverie et de cristal, </br>De madre et de fust et de coivre. </br> Si i a marcheanz de voirre, </br>Encor n'ai pas tout devisé. </br>Marcheanz i a de filé ; </br>Si a marcheans de forages, </br>De sauvagine et de poulages. </br> Or oiez, si ne vous anuit : </br>Il i a marcheanz de fruit, </br>Naviaus et poriaus et letues, </br>De faucons, d'ostors et de grues ; </br>Et marcheanz de freperie </br> Et de chanvre et de corderie

           Et de chanvre et de corderie  +, Et de sarges et de tapis, 

Et de ratoires … Et de sarges et de tapis, </br>Et de ratoires à soris ; </br>Si i a marcheanz de lin, </br>De mueles de fer de molin, </br> De haces et de bernagoes, </br>De peles, de pis et de hoes, </br>Hotes et vanz et escueles </br>Et de gates et de foisseles, </br>De martiaus, d'englumes d'acier </br> – Diex gart marcheanz d'encombrier – </br>Chandeliers, potiers, lormerie, </br>Marcheanz de feronerie, </br>De seles, d'estriers, de poitraus. </br>De charretes et de borriaus. </br> Il i a marcheanz de nois, </br>De feves, de veces, de pois. </br>De sui, d'oint, de miel, de sain, </br>De chandoile et de peresin. </br>Ne le tenez mie à eschar : </br> Li bouchier si vendent la char </br>Et li poissonier le poisson ; </br>Marcheanz d'uile et de coton </br>Et de gingembras d'Alixandre, </br>De jaspe et de cristal et d'ambre </br> Et de trestoute espisserie. </br>Diex soushauce marcheandie </br>Et gart marcheanz d'encombrier. </br>Moult ont paine por gaaignier </br>Et si sont moult sovent pelez, </br> Mes lor biens foisonent adés </br>Que Dame Diex sa grace i met. </br>A tant de rimer me demet. </br>Que Jhesucriz, li filz Marie, </br>Gart marcheanz de vilonie </br> Et lor doinst si marcheander </br>Qu'en paradis puissent aler </br>Et les marcheandes aussi </br>N'i met Phelippot en oubli. </br>A tant vueil ma rime finer, </br> Si vueil por marcheanz ourer. </br>Diex gart marcheanz d'anemis</br>Et de tonoirre et de peris </br>Et des larrons. Diex, les gardez </br>Que il ne soient desrobez </br> Et d'encontre de fol et d'yvre </br>Soient tuit marcheanz delivre </br>Et de la tormente de mer, </br>Si qu'à droit port puissent aller. </br>Et il me deffende du dé </br> Qui maintes foiz m'a desrobé.

          Qui maintes foiz m'a desrobé.  +  et Encor ne sui pas enrobez, 

Quar par le dé … Encor ne sui pas enrobez, </br>Quar par le dé sui desrobez. </br>Se Dieu plest, je m'enroberai </br>Et aus marcheanz conterai </br> Des diz noviaus si liement </br>Qu’il me donront de lor argent. </br>Que Jhesucrist, li filz Marie, </br>Doinst aux marcheanz bone vie. </br>Amen. </br>Explicit des Marcheanz. bone vie. Amen.