Ne nulz homs … Ne puet cilz mondes recevoir,</br>Ne nulz homs, estat plainement.</br>Clergie est le commencement </br>De ces .xij. qui proprement </br>Nous fait les choses concevoir</br>Du temps passé et du present. </br>Chevalerie après se prent. </br>Le laboureur fait son devoir</br>De labourer. Juge a povoir</br>De garder loy et jugement</br>Au peuple. Fevre fault pour voir </br>Forgier pour les ars esmouvoir</br>Au commun edifiement.</br>Marchant pour aler et venir</br>Fault, denrrees aler querir</br>Et pour pluseurs finances faire </br>En divers lieus, pour secourir</br>Aux chevaliers et maintenir</br>Le peuple en plus joieux affaire.</br>Hoste fault qui soit debonnaire</br>Pour recevoir et pour tenir </br>Les passans et pour eulx offrir</br>Ce qui leur sera neccessaire.</br>Or fault, pour la guerre civile,</br>Advocat, clerc qui soit habile</br>Pour le droit des gens demonstrer </br>Aux juges en chascune ville.</br>Notaire fault qui, entre mille,</br>Soit saige et loyal pour garder</br>Tous instrumens et les former</br>Des contraulx par voie soutille,</br>Medicin pour les maulx curer,</br>Prestre pour lire et pour chanter</br>Et roy qui ait noble concile.pour chanter