Création de List:64
Qui c … Qui est cellui, a parler proprement,</br>Qui ce puet bien par raison soustenir. </br>Que vaillance n'ait anciennement </br>Es vaillans cuers esté, ne maintenir </br>Que les hommes du jour d'ui </br>Sont plus vaillans ? Le dire est grant ennui, </br>Et de prouver le contraire suis prest </br>Par les acteurs et livres que je lui : </br>Chascun deüst congnoistre quelz il est. </br>Que fist Sanson ? Voy le ou vielz Testament ; </br>Et de Jason te doit bien souvenir, </br>Du roy David, d'Ercules ensement, </br>D'Alixandre qui tout voult conquerir. </br>De Cesar esbahis suy </br>Et des Romains qui regnerent, ce trui, </br>Quant du monde firent tout le conquest. </br>Des presens gens tel n'en congnois nullui : </br>Chascuns deust congnoistre quelz il est. </br>Artus, Charles, Godefroy le vaillant, </br>Machabeus, Hector, d'armes martir, </br>De conquerre ne furent onques lent, </br>De combattre, de chasteaulx assaillir.</br>Helas ! Et ou est cellui </br>Du temps present qui ait conquis autrui, </br>Qui puist montrer un royaume d'acquest ? </br>Je ne le scay. Fors Guesclin n'en congnuy : </br>Chascuns deüst congnoistre quelz il est.</br>L'envoy </br>Princes, je dy qu'il mesprant durement </br>Qui ne congnoist la paine et le tourment </br>Des anciens; car qui sçauroit que c'est </br>Et qu'ilz firent pour nostre enseignement, </br>Telz les blasme qui diroit autrement : </br>Chascun deüst congnoistre quelz il est.:
Chascun deüst congnoistre quelz il est. +