Au monde aussi et a la char pourrie, Oublié Dieu et mon corps asservi A celle court de tout vice nourrie.

Omicide, … Convoitise, mentir, detraction, </br>Omicide, larrecin, traïson </br>Envie grant, lascheté et paresce; </br>C'est l'entree de l'infernal maison : </br>Foulz la poursuit et saiges la delesse. </br>Trop pou de gens sainctifier y vi </br>De tout mon temps; chascun s'ame y oublie. </br>Par vanité y sont maint cuer ravi </br>Gastans leurs corps, cuidans, ce que n'est mie,</br>Guerdon avoir. Ami n'y a n'amie, </br>Congnoissance, diligence, raison, </br>Maniere, senz, honeur, discrecion, </br>Preudomnie, loyauté ne prouesce, </br>Fors Foul Plaisir; la est sa mansion:</br>Foulz la poursuit et saiges la delesse. </br>Car en servent y sont maint envieilli</br>Sanz bien avoir, leur chevance ont perie, </br>Dieu delaissié, l'espoir leur est failli </br>D'avoir guerdon : tel court est, foulz s'i fie. </br>L'ame s'en duelt : a ! Com dolente vie, </br>Delaissier Dieu en congregacion </br>De telz pechiez! C'est la destruction </br>D'ame et de corps. Adieu, court, je te lesse : </br>Trop m'as tenu; et, pour conclusion, </br>Foulz la poursuit et saiges la delesse.</br>L'envoy </br>O curial tant es court d'envie </br>Et de tourment, qui d'acroistre ne cesse, </br>Que dire puis partout sanz villenie : </br>Foulz la poursuit et saiges la delesse.: