Je vous … S'il ne prent et petit et grant. </br>Je vous faz savoir a itant </br>Que le petit qui sovent vient, </br>Le povre homme en richece tient </br>Plus que le grant qui vient a tart. </br>Se je ne menjoie de lart, </br>De char de vache ne de buef, </br>Devant que aucuns .x. ou .ix. </br>M'eüst doné por mon chanter, </br>Je me porroie bien vanter </br>Jamés de char ne mengeroie, </br>Quar certes je ne troveroie </br>Qui tel present me vousist fere, </br>Tant seüsse bien d'arçon trere ! </br>Si me covient le petit prendre </br>Quar je ne puis le grant atendre. </br>En aucune place m'avient </br>Que aucuns preudomme me vient </br>Por escouter chançon ou note, </br>Qui tost m'a donee sa cote, </br>Son gardecors, son herigaut. </br>Si en sui plus liez et plus baut </br>Et en chante plus volentiers. </br>Tels i a qui de ses deniers </br>Me done .iiij. ou .iij. ou .ij. ; </br>Oiez, il i a plus de ceus </br>Qui me donent ainz mains que plus. </br>Et je sui cil qui ne refus </br>Denier, monnoie ne maaille, </br>Ainz le praing ainçois que je faille, </br>Quar la maaille a grant mestier. </br>S'en a l'en .ij. por .i. denier ; </br>Et s'en a on, ce n'est pas fausse, </br>Poivre et aus a fere une sausse </br>A sa char ou a son poisson, </br>.ij. saussieres ou .i. poçon </br>Ou .i. platel ou escuele </br>Ou maaillie de canele</br>Ou sel a saler son potage. </br>Trestout a mestier a manage :</br>Quarte de cidre ou de cervoise, </br>Ou de chanvre une grande toise </br>Dont l'en puet fere .i. treceoir ; </br>Et s'en a l'en .i. mireoir. </br>Et si vous di tout sanz doutance </br>C'une maille vaut miex en France </br>Qu'ele ne face en cest païs. </br>Nous en aurïons a Paris </br>Une grant demie de pain </br>Et une grandisme putain ;t demie de pain Et une grandisme putain ; +, En auroit l'en tout a son chois De bon ch … En auroit l'en tout a son chois </br>De bon charbon ou de bon bois, </br>Assez a cuire son mangier. </br>Et s'en auroit on sanz dangier </br>Burre ou saïn, huile ou craspois, </br>Assez a amender ses pois ; </br>Ou grant maaillie de vin, </br>Trestout plain .i. grant madelin, </br>Qui bien vaudroit .ij. bons deniers </br>En cest païs moult volentiers. </br>Moult i a grant marchié de boivre ! </br>L'en i a char et pain et poivre ! </br>Por obole a l'en .i. pasté : </br>De maint bon en a l'en tasté. </br>Et si vous di je bien sanz faille </br>C'on i a por une maaille : </br>Ou .i. harenc sor ou .i. blanc </br>Ou boudin de foie ou de sanc </br>Assez a moi desjeüner. </br>Nus qui chatel veut aüner, </br>Maaille refuser ne doit : </br>Elle ne menjue ne boit, </br>N'est ne fole ne mesdisant, </br>Ne n'est a porter trop pesant, </br>Ainçois s'apreste en trestoz poins </br>D'aler au fruit a toz besoins, </br>Ou aus pesches ou aus roisins, </br>El tens c'on vendenge les vins ; </br>Ou en fermaus ou en aniaus, </br>En ataches ou en joiaus, </br>Ou en aguilletes d'acier, </br>Ou en fil a ses braz lacier, </br>Ou en dez ou en mireoirs </br>Ou l'en se mire plusors fois ; </br>En ponces ou en emprintoirs, </br>En rigles ou en rigleoirs, </br>Ou en cornetes a metre enque, </br>Ou en chapelés fez de venque </br>Ou de floretes ou de roses </br>Ou en aucunes autres choses ; </br>En pois ou en feves noveles, </br>En chous, en cresson ou en betes, </br>En arraches ou en letues </br>Que l'en va criant par les rues ; </br>En cerfuel ou en peressil </br>Dont les borgoises font escil ; </br>En ail, en sausse, ou en peletre </br>Que j'ai veü en sausse metre, </br>En lait ou en gruel d'avaine </br>Ou en moustarde qui est saine ; d'avaine Ou en moustarde qui est saine ; +  et Ou en vertous ou en fuisiaus, Ou en civos … Ou en vertous ou en fuisiaus, </br>Ou en civos ou en poriaus, </br>En pot novel ou en ciboles, </br>En fil de chanvre a coudre soles. </br>Et s'en a l'en sa barbe rese </br>Et .iij. oés por cuire en la brese ; </br>Ou uns clers en est rooingniez, </br>Jarsez, ventousez ou sainiez. </br>Et s'en a l'en son chief gravé </br>Et bien pingnié et bien lavé ; </br>Ou .i. biau lit, si m'aït Diex, </br>En Paris, en plus de .c. lieus, </br>De beles coutes, de dras linges. </br>Si en voit l'en jouer les singes, </br>Les ours, les chiens et les marmotes. </br>Si en ot l'en chançons et notes </br>De jougleors assez sovent, </br>Por la maaille seulement. </br>L'en ne la doit en despit metre </br>Quar on en a moult grant soufrete. </br>Explicit le dit de la maaille. soufrete.