Or vous dira … Puisque povretez le justice </br>Or vous dirai en quele guise </br>Et en quele maniere vont</br>Cil qui denrees à vendre ont </br>Et qui penssent de lor preu fere, </br>Que ja ne fineront de brere. </br>Parmi Paris jusqu'à la nuit, </br>Ne cuidiez vous qu'il lor anuit, </br>Que ja ne seront à sejor : </br>Oiez con crie au point du jor. à sejor :

Et est … Seignor, quar vous alez baingnier, </br>Et estuver sans delaier, </br>Li baing sont chaut, c'est sanz mentir. </br>Puis aprés orrez retentir </br>De cels qui les frés harens crient ! </br>Or au vivet, li autre dient. </br>Sor et blanc harenc frés poudré,</br>Harenc nostre vendre voudré.</br>Menuise vive orrez crier </br>Et puis aletes de la mer. </br>Oisons, pijons, et char salée,</br>Char fresche moult bien conraee,</br>Et de l’aillie à grant plenté.</br>Or au miel, Diex vous doinst santé.</br>Et puis aprés, pois chaus pilez,</br>Et feves chaudes par delez,</br>Aus et oingnons à longue alaine, </br>Puis aprés cresson de fontaine, </br>Cerfueil, porpié tout de venue, </br>Puis aprés porete menue,</br>Letues fresches demanois ;</br>Vez ci bon cresson Orlenois.</br>Li autres crie par dalez, </br>J'ai bons mellenz frés et salez.</br>L'aguille pour le viez fer ai,</br>Or ça bon marchié en ferai.</br>L'eve por pain, qui veut, si praingne ;</br>J'ai bon frommage de Champaingne,</br>Or i a frommage de Brie,</br>Au burre frés n'oublie mie.</br>Or i a gruel et forment</br>Bien pilé et menuement.</br>Farine pilée, farine ! </br>Au lait, commere, ça voisine. </br>Craspois i a, aoust de pesches, </br>Poires de Chaillou, et nois fresches : </br>Primes ai pommes de rouviau, </br>Et d’Auvergne le blancduriau. </br>Al balais si com je l’enten, </br> L’autres crie : qui veut le ten ! </br>L’autres crie : la busche bone, </br>A deux oboles le vous done ; </br>Huile de nois, or au cerniaux. </br>Vinaigre qui est bons et biaus, </br>Vinaigre de moustarde i a. </br>Diex ! a il point de lie la ? </br>J’ai cerises, or au verjus ; </br>Or a la porée ça jus ; </br>Or i a oés, or aus poriaus, </br>Chaus pastez i a, chaus gastiaus.oriaus, Chaus pastez i a, chaus gastiaus. +, Or i a poisson de Bondies, Chaudes oublee … Or i a poisson de Bondies, </br>Chaudes oublees renforcies, </br>Galetes chaudes, eschaudez, </br>Roinssolles, ça denree aus dez ; </br>Cote et la chape par covent, </br>Clerc i sont engané sovent. </br>Cote et sorcot rafeteroie, </br>Et le cuvier relieroie : </br>Huche et le banc sai bien refere :</br>Je fai moult bien que je sai fere. </br>J’ai joncheüre de jagliaus, </br>Herbe fresche, les viez housiaus, </br>Les sollers viez, et soir et main. </br>Aus Freres de saint Jaque, pain, </br>Pain por Dieu aus Freres Menors, </br>Cels tieng je por bons perneors. </br>Aus Freres de saint Augustin, </br>Icil vont criant par matin ; </br>Du pain aus Sas, pain aus Barrez, </br>Aus povres prisons enserrez, </br>A cels du Val des Escoliers, </br>Li .i. avant, li autre arriers, </br>Aus Freres des Pies demandent, </br>Et li Croisié pas nes atandent, </br>A pain crier metent grant paine, </br>Et li avugle à haute alaine :</br>Du pain à cels de Champ porri</br>Dont moult sovent, sachiez, me ri.</br>Les Bons Enfanz orrez crier </br>Du pain, nes vueil pas oublier.</br>Les Filles Dieu sevent bien dire</br>Du pain, pour Jhesu nostre Sire.</br>Ça du pain por Dieu aus Sachesses.</br>Par ces rues sont granz les presses,</br>Je vous di de ces genz menues ;</br>Orrez crier parmi ces rues </br>Menjue pain. Diex, qui m’apele ?</br>Vien ça, vuide ceste escuele.</br>Or viengne avant, gaaigne pain :</br>J’esclarciroie pos d’estain,</br>Je relieroie hanas.</br>Du poivre por le denier qu’as,</br>Or aus poires de hastivel,</br>Jorroises ai à grant revel,</br>Frés jonc, à moult grant alenee.</br>Or ça à la longue denree.</br>Noel, Noel, à moult granz cris,</br>J’ai raïs de l’archaut, raïs. </br>Cil qui crie, biau se deporte ;</br>Qui vent le viez fer, si l’aporte.porte ; Qui vent le viez fer, si l’aporte. +, Li autres dit autres noveles, Qui vent vi … Li autres dit autres noveles, </br>Qui vent viez pos, et viez paieles. </br>Li autres crie à grant friçon : </br>Qui a mantel ne peliçon, </br>Si le m’aport à rafetier. </br>Li autres crie son mestier, </br>Chandoile de coton, chandoile, </br>Qui plus art cler que nule estoile. </br>Aucune foiz, ce m’est avis, </br>Crie on le ban le Roy Loys ;</br>Si crie l’en en plusor leus, </br>Le bon vin fort à .xxxij., </br>A .xvi., à xij., à .vi., à .viij. ; </br>Moult mainent crieor grant bruit. </br>Crier orrez qui a à moudre ;</br>J’aporte bones nois de coudre, </br>Les flaons chaus pas nes oublie ; </br>J’ai chastaingnes de Lombardie, </br>Figues de Melite sanz fin ;</br>J'ai roisin d’outre mer, roisin,</br>J’ai porees, et s’ai naviaus, </br>J’ai pois en cosse toz noviaus. </br>L’autres crie feves noveles, </br>Si les mesure à escueles, </br>Hanni d'aoust flerant com bausme. </br>L’autres crie chaume, i a chaume. </br>J’ai jonc paré por metre en lampes, </br>Bones eschaloingnes d’Estampes ; </br>J’ai savon d’outre mer, savon. </br>Des poires de saint Riule avon </br>L’autres crie sanz delaier ;</br>Je sers de pingnes à resoier.</br>Quant mort i a, homme ne fame, </br>Crier orrez, proiez por s’ame, </br>A la sonete par ces rues.</br>Dont orrez autres genz menues </br>Poires d’angoisse crier haut. </br>L’autres, pommes rouges qui vaut. </br>Aiglentier por du pain l’en crie, </br>Verjus de grain à fere aillie. </br>Li uns borgons, li autres veilles, </br>Cornilles meüres, cornilles. </br>Alies i a d’aliier,</br>Or i a boutons d’aiglentier ; </br>Proneles de haie vendroie. </br>Oiselés por du pain donroie. </br>Nates i a, et naterons,</br>Cerciaus de bois vendre volons.</br>L’autres crie : gastiaus rastis,</br>Je les aporte toz fetis, gastiaus rastis, Je les aporte toz fetis, +  et Chaudes tartes et siminiaus ; L’autres cr … Chaudes tartes et siminiaus ; </br>L’autres crie : chapiaus, chapiaus. </br>Gastel à feve orroiz crier, </br>Charbon le sac por .i. denier ; </br>Nesfles meüres ai à vendre. </br>Le soir orrez sanz plus atendre, </br>A haute voiz sanz delaier, </br>Diex, qui apele l’oubloier ? </br>Quant en aucun leu a perdu, </br>De crier n’est mie esperdu, </br>Prés de l’uis crie ou a esté :</br>Aide, Diex de Maïsté, </br>Com de male eure je fui nez, </br>Com par sui or mal assenez ;</br>Et autres choses assez crie, </br>Que raconter ne vous sai mie.</br>Tant i a denrees à vendre, </br>Tenir ne me puis de despendre. </br>Que se j’avoie grant avoir, </br>Et de chascun vousisse avoir </br>De son mestier une denree, </br>Il auroit moult corte duree. </br>Tant poi i ai mis que j’avoie, </br>Tant que povretez me mestroie. </br>Aprés mise ma robe jé, </br>Lecherie m’a desrobé : </br>Si ne sai més que devenir, </br>Ne quel chemin puisse tenir. </br>Fortune m’a mis en sa roe, </br>Chacun me gabe et fet la moe, </br>Si ferai, puis que suis en queche, </br>Du meillor fust que j’aurai fleche.</br>Expliciunt Les Crieries de Parisi fleche.