Voir la source de List:197

{{BDPolima
|Titre=inventaire des biens mobiliers de la maison commune en 1315
|incipit=E sia saubut que li dig cossols redero als autres cossols
|Liste=Liste avec retours à la ligne
|Periode=1300-1350
|Langue=Langue vernaculaire
|The coordinates=Aveyron
|Nation=FRANCE
|Région=Occitanie
|Typologie=Documents administratifs
}}
{{Manuscrit
|Ville=Najac
|Istitution=Archives departementales
|CoteManuscrit=registre de comptes consulaires de la ville de Najac
|Support=papier
|Support 2=codex
|Folio=134
|Image=AD12 2E178-2 - 134r.jpg
|Transcription=E sia saubut que li dig cossols redero als autres cossols :
Las costumas, e∙l trailat vielh de las costumas /
Item, la carta de la composicio que fo facha ab Bertran de Valautres, prior sa enreires d’est castel /
Item, autra carta, facha per la ma de maestre G. W., de la composicio que fo facha ab Giscart de Rocafort, prior d’est castel, del fah de las entortas e de las polpras e de las obras e d’autras causas per lo fah de la glieia /
Item, lo gran sagel, e∙l pauc /
Item, lo lhibre dels establimens /
Item, la letra de la absolucio d’en Rometz /
Item, lo testament d’en Bertran Bos, e la carta de la obligacio que fetz P. Bos de pagar las laissas d’en Bertran Bos /
Item, la carta de la obligacio que fetz R. Fabre, facha per la ma de maestre G. W., de tener redrecha la peirada de la carrieira davant sa honor /
Item, lo trailat del testament d’en P. Ribieira /
Item, lo trailat del testament de maestre Bertolmieu Carrieira /
Item, lo trailat del testament d’en B. de Combelas /
Item, lo trailat del testament d’en R. Lavanha /
Item, lo trailat de dona Guaia de Combelas /
Item, doas caissetas plenas de cartas /
Item, lo trap e las senhieiras dels cridat /
Item, las trompas e∙l namfil que foro prestadas a G. Afichat /
Item, las mezuras del vi e de l’oli /
Item, l’eminal del coire /
Item, lo ferr de l’auna /
Item, lo pes de la lhivra e de la mieia lhivra /
Item, la carta facha per la ma de maestre G. W. de la sentencia del fah de las verquieiras /
Item, la carta mezura blat /
Item, una caissa que te B. Ribieira /
Item, una caissa granda en que a doas claus /
Item, I lhibre que fo d’en R. de Selanh /
Item, lo lhibre de la lhumenaria /
Item, lo lhibre en que s’escrivo los comtes /
Item, los establimens de l’escrivania /
Item, lo lhibre on es la costuma /
Item, lo lhibre on so escrihs los eventaris dels ospitals de S. Jacme e de S. Bertolmieu /
Item, la carta facha per la ma de maestre G. W. de la reconoissensa que feiro R. de Balaguier e∙n R. de Calcomier que avieu esplecha en lor boscs /
Item, la letra del rei de la compra de la maio del cossolat /
Item, la letra del rei de las VIIIC libras tornes que deu nostre senhor lo rei al cossolat /
Item, una carta de mandament e de comandament que donet lo senescalc que hom no leves pezatgue a Paris /
Item, lo senhal de las cartas /
Item, lo lhibre dels comtes dels malautes /
Item, VII claus de las portas del castel /
Item, lo taulier del cossolat /
Item, doas perponchas /
Item, VI capels jupatz /
Item, III balestas /
Item, IIII lansas /
Item, III lansiers /
Item, los establimens del rei sagelatz /
Item, la carta de la compra de las maios que foro d’en Umbert Fabre /
Item, l’arnes del saumier /
Item, ganre de letras del rei /
Item, lo trailat del testament d’en Umbert Boissel /
Item, ganre de cartas d’apellacios del fah de las forcas da Castanet e de la deveza de Castanet /
Item, la carta facha per la ma d’en G. W. de la oblia e del pa senhat que devia donar cascun dicmergue R. Donat per laissa que fetz n’ Umbert Boissel /
Item, una carta facha per la ma d’en Guirbert Cubrire de reconoissensa que fetz mosenhen P. Calvet comandaire de l’ospital de S. Jacme que tenia dels digs cossols e dels cofraires los bes deldig hospital /
Item, una carta facha per la ma de maestre Iacme de Romegos en la festa de Santa Cecelia anno Domini MCCCXIII de conoissensa que fetz maestre B. Lhia tenent del iutgue que los dexs s’aperteno als cossols de Naiac /
}}
{{ImageManuscrit
|Folio=134
|ImageM=AD12 2E178-2 - 134v.jpg
|Transcription_Manuscrit=Item, lo testament d’en B. Ramondi /
Item, una carta facha per la ma de maestre Berenguier de Puegdozo de promessa que fetz mosenhen P. Calvet que tornaria el ospital aquo que∙n avia trah et iuret ho /
Item, una carta facha per la ma d’en G. W. de la ordenansa que fo facha de far devezas /
Item, una autra carta per la ma del dig notari de la compra que hom fetz d’en R. Audeguier de l’alarguier del cossolat e de la plassa /
Item, autra carta facha per la ma de maestre Guirbert del bailament que feiro los cossols a mosenhen G. Aimones de la capelania que laisset Bertran Bos /
Item, una carta facha per la ma de maestre Rotbert del Pueg d’apellacio quant la cort ressazit mosenhen B. Saumada d’una ma per la cort de Paris /
Item, laissero el cossolat una granda sarralha /
Item, redero una carta facha per la ma de maestre Guirbert Cubrire de presentacio que R. Cornaire sirvent de Naiac fetz al baile de Caussevielh de letras del senescalc que receubes los carcels del baile de Naiac /
Item, una carta facha per la ma de maestre P. Gari en la qual es encorporada una reconoissensa que∙n P. Bernat fetz al rei canha senheria avia el fah de Floirac /
Item, redero ganre de letras del rei que avia empetradas maestre R. Gando e∙n Felip de Combelas ;
Item, lo vidimus de la costuma sagelat de III sagels /
Item, una letra del senescalc penden en pargames de deffensa al pezatguier que no leves pezatgue ni leuda mas enaissi coma […] escrih en la costuma /
Item, doas cartas fachas per la ma de maestre Guirbert Cubrire de deffensa als pezatguiers d’aquo desus la una que fo deffendut a∙n Bertolmieu de Peladut e la autra a∙n Johan Andoi /
Item, W. Caias at una letra del rei e una letra de comissio tot del plah de Salvaterra que portet a∙n W. de la Barrieira que∙n∙s deu redre W. Cejas a∙n G. W. am carta.
E sia saubut que na Guillelma Cordurieira, molher que fo sa enreires d’en R. de la Garriga, donet a la obra del pont de la Fregieira tot lo dreh e la razo e la demanda e la accio que ela avia sobre los bes de Uc Garriga so filh sa enreires e contra los heretiers deldig Uc, losquals bes te la molher que fo deldig Uc, e es la carta de la donacio es el cossolat facha per la ma de maestre Rotbert del Pueg, notari E sia saubut que na Guillelma Cordurieira, molher que fo sa enreires d’en R. de la Garriga, donet a la obra del pont de la Fregieira tot lo dreh e la razo e la demanda e la accio que ela avia sobre los bes de Uc Garriga so filh sa enreires e contra los heretiers deldig Uc, losquals bes te la molher que fo deldig Uc, e es la carta de la donacio es el cossolat facha per la ma de maestre Rotbert del Pueg, notari /
E la carta atressi de l’acordier que feiro ab la dicha na Guillelma lodig Uc e sos autres filhs de pagar blat e deniers cadan per sa messio, e deu lo dig Uc sa part per lonctemps, la qual sua part la dicha Guillelma a la dicha obra del pont e la dicha carta facha per lama d’en B. Cavalier es el cossolat /
Item, una carta facha per la ma d’en G. W. de la compra que fo facha de la ribieira dal pont que fo d’en B. de Peladut /
Item, I trailat de carta fah et escrih per la ma de maestre Berenguier Vezi de las franquezas que foro autreiadas a la bastida de Caussevielh per mosenhen W. de Cumbriuras /
Item, una carta facha per la ma de maestre P. Gari notari de l’encorperament d’una reconoissensa qu’en Gautier de Panac, senher de la vila de Vabre, fetz quanta ni canha senheria avia en la vila de Vabre.
Item, redero ganre de cartas d’apellacios de mosenhen P. Mango e d’autras causas.
Item, sia remembransa que na Caura donet a la obra del pont da la Fragieire XL sols rodanes que∙lh devia P. Capelier e ane carta el cossolat d’el.
Item, redero los digs cossols als autres cossols :
I drap d’aur /
E III polpras part una polpra d’aquelas que hom at del remez de la dona Esclarmonda, maire d’en Iacme Donat, que donero a mosenhen S. de Cavilhac capella per prexs d’en Iacme Donat ad obs de far vestiment a son cors per servir las glieias d’est castel /
}}
{{Deposant
|Nom du déposant=Gaétan Perrin
}}