Des eglises o … Pour ce que j’ai fet mencïon</br>Des eglises ou devocion</br>Est plus monstree qu’en autre lieu,</br>Quar la repose li cors Dieu, </br>Des monstiers qui a Paris sont</br>Et de quiex sains il feste font,</br>Les lieus vous dirai et le nombre,</br>S’a nombrer Sathan ne m’encombre.</br>Un gentil homme m’otroia</br>Son hostel, et si me proia </br>Que je pour s’amour tant feïsse</br>Que trestous les monstiers meïsse</br>De Paris en rime et en dit.</br>Isnelement, sans contredit,</br>Pour l’amour de lui m’entremis,</br>Si les ai tous en rime mis.</br>J’ay commencié a Nostre Dame, </br>Qui nous sauve et gart cors et ame,</br>Pour ce que c’est la mere esglise</br>De Paris. Aprés, de ma guise,</br>Pres le monstier Saint-Johan-le-Ront : </br>Entre euz deuz n’a ne val ne mont ;</br>Et aprés Saint Denis du Pas</br>Ne Saint Aignien n’oubliie pas,</br>Et puis la chapele as noctaires, </br>Ou il repaire mains vicaires.</br>Et puis aprés la Maison Dieu</br>De Paris, ou a digne lieu. </br>En Rue Noive, pas ne grieve,</br>Le monstier Sainte Genevieve</br>La Petite, que je ne faille.</br>Devant celle esglise, sans faille,</br>Vent on chapons, gelines, cos,</br>Perdris, plouviers et vuidecos.</br>Aprés le monstier Saint Christofle, </br>Qui de l’amour Dieu fist son coffre</br>Quant le porta outre la mer :</br>Servir le devons et amer.</br>Entour vent on fourmages, oefs.</br>Pres d’ilec siet Saint Pierre as Buefz</br>Et le monstier Sainte Marine</br>Qui ne siet pas sur la marine.</br>C’est veritez que je vous di.r la marine.

Mes cheüs … Qui siet devant le grant Palais;</br>Mes cheüs est, donc est plus lais: </br>C’est veritez que vous despont.</br>Or m’en iray outre le pont</br>Pour des autres monstiers trouver</br>Que l’en ne puisse reprouver</br>Quar s’en mon dit faille de rien.</br>Premiers trouverez Saint Julien</br>Le Povre, et bien ai regardé</br>Que maint compaignon a gardé</br>De mort, ce n’est pas mesprison,</br>Et d’estre en vilainne prison ;</br>Il les herberge et si les tence :</br>De herbergier a la poissance.</br>Et puis la chapele Saint Blaive,</br>Qui pour Dieu morut a grant glaive.</br>Aprés oublïer ne doy mie </br>Saint Seurin, pour la ferperie</br>Qui est achetee et vendue,</br>En son quarrefour est tenue</br>De plusieurs manieres de gent</br>Qui s’en chevissent bel et gent.</br>Aprés est Saint Andrieu des Ars, </br>Ou mainte dame de leurs ars</br>Ont maintes fois lancié et trait,</br>Et maint hommë a eulx atrait.</br>Aprés i rest Saint Augustin,</br>Ou l’en parole bien latin.</br>A Saint Germain des Prés m’en vois,</br>Ou l’en sert Dieu a haute vois.</br>Aprés est Saint Martin des Orges, </br>Et puis aprés i est Saint Georges;</br>Aprés Saint Pere du Sablon</br>Et Saint Soupplis y asamblon.</br>Et puis aprés les Cordeliers,</br>De bon vin boivent volentiers.</br>Saint Cosmë et Saint Damïen:</br>Cy duy furent sirurgïen</br>Et mires a Dieu nostre pere :</br>Qui ce ne croit, il le compere.</br>Et puis aprés Saint Matelin.</br>Sus coutes et en draps de lin</br>Chainoigne nuit maint povre couche de lin Chainoigne nuit maint povre couche +  et Avant ce que ma bouche lie Saint Jaques d … Avant ce que ma bouche lie </br>Saint Jaques de la Boucherie.</br>Tous les monstiers vous ai nommé </br>De Paris, sans nul mesnonmé ;</br>Plus n’en y say, ce m’est avis,</br>Que bien y ay mis mon avis.</br>Je ne vueil pas mettre en mon conte</br>Chapeles aus dus et aus contes,</br>Ne a bourgois ne aus evesques,</br>N’a abbez ne a archevesques.</br>Je n’i mes que ceus proprement</br>Ou toute gent communement</br>Puet le digne service oïr</br>Dieu, dont on se doit esjoïr </br>Et Dieu et sa mere proier,</br>Chascun pour son cuer supploier</br>Vers Jhesus Crist de leur tors fais</br>Et des pechiez que il ont fais.</br>Touz les autres ai arriere mis ;</br>Mes ceuls ci ai je en rime mis</br>Dont tous ensamble les vous nonme</br>Quatre vins et huit par droit nonbre.</br>Il n’en y a ne mains ne plus,</br>Se ce ne sont monstiers repus,</br>Fors le Saint Jaques monstier</br>Qui de nouvel fu fait l’austrier, </br>Ou nul ne va ne ne repaire</br>Fors que cilz qui lez ont fait faire;</br>Mes li autre sont de autre guise </br>Qui sont conmun au Dieu servise.</br>De grant leur vint devocïon</br>D’amour et de dilectïon</br>Qu’a Dieu et a sa mere avoient</br>Quant tant monstiers ediffïoient.</br>Il amoient Dieu de cuer fin</br>Et pour ce en ont louier sans fin ;</br>C’est la joie qui tous jours dure</br>A li desirrer met ta cure </br>Jhesus nous en doint le vouloir</br>Qui du donner a le povoir.</br>A ce nous aist Dame Marie</br>Qui tous nous gart de vilennie.Dame Marie