Ains … Grant bien me fist et resjouissement,</br>Ainsis que gent pour querir honneur vont,</br>De vir l’ostel et le hault parrement</br>Des chevaliers, princes, qui a vous sont.</br>La fut Namur, Touteville, Aufemont,</br>Hambuie, Bueil, Blaru, l’Ile Bouchart,</br>Guy de Laval, Rostelain et Oudart,</br>Viconte Meaulx, Fayel et Bouteillier, </br>Jehan de Trie, Gadifer que Dieux gart ! </br>Vueilliez tousjours tels gens acompaignier.</br>Encor y vi et tous d'un parement,</br>Thorigny, lors françois, et Braquemont, </br>De Sarrebuche Amé, Arnault Guillent, </br>Garencieres et Florigny d’un front, </br>Pierre de Bueil et Allain de Beaumont, </br>Jehan de Roussay et de Sempy Colart, </br>G. de Trie, Coleville et Mirart </br>De Miraumont, Bethancourt. Tenir chier </br>Doit l'en les bons et avoir de sa part : </br>Vueilliez tousjours tel gent acompaignier. </br>Poitiers, Brimeu, Carados ensement</br>Et l’Estandart, Quiquempoit aprés vont ;</br>Canny, Coudroy, Villequier quartement, </br>Braque. Nery, Lancelot. Boyau ont </br>Et Valiquet, qui la despense font,</br>Tous chevaliers ; banniere et estandart</br>Ont les pluseurs. Saiges est qui depart</br>A telz barons le sien et fait grenierpart

V … De tel tresor. Des mauvais n'a regart : </br>Vueillez tousjours tel gent acompaigner. </br>L’envoy</br>Prince, je tais le nombre bel et gent</br>Des escuiers et de vostre autre gent</br>Que l’en doit bien entre les bons trier</br>Et que l'en puet veoir communement</br>En vostre hostel : et pour ce, en concluent, </br>Vueillez tousjours tel gent acompaignier.