Et les enfans sont de male nature :
Aise … Et les enfans sont de male nature : </br>Aise sont ceulz qui n'ont ne filz ne fille.</br>Car qui les a, tenir fault grant mesnage, </br>Nourrice avoir, oyr braire et crier, </br>Vestir, chaucier, pain, vin, lait et fromage, </br>Buche, charbon, pain et char pour mengier, </br>Chambres et lis, drapeaux, linge a couchier, </br>Bers a bercier, et sentir leur ordure, </br>Six ou sept ans que ceste dance dure : </br>Qui enfans a ne lui fault autre estrille. </br>Ja bien n'aura fors que malaventure : </br>Aise sont ceulx qui n'ont ne filz ne fille.</br>Et s'ilz sont grans, art leur fault et usage, </br>Science avoir, aprendre, estudier, </br>Et aux filles convient en mariage </br>Terre et argent et grant meuble chargier. </br>S'ilz sont mauvais, on en meurt de legier ; </br>Et s'ilz sont bons, c'est pour eulz, et n'ont cure </br>De leur pere ne mere, maiz procure </br>Chascun le leur et a champ et a ville </br>En souhaidant tousjours leur sepulture : </br>Aise sont ceulx qui n'ont filz ne fille.</br>L'envoy </br>Pere et mere, qui tant avés de rage </br>D'enfans nourrir, s'ilz sont grans soyés sage </br>Et gardés bien que nulz d'eulz ne vous pille. </br>Soyés seigneurs ou vous arés dommage, </br>Ne vous rendés a vie n'a minage : </br>Aise sont ceulx qui n'ont filz ne fille.
Aise sont ceulx qui n'ont filz ne fille.
+