et les dames, et l … Es loges refu la reïne </br>et les dames, et les puceles, </br>si ot chevaliers avoec eles</br>assez qui armes ne porterent,</br>qui prison ou croisié se erent, </br>et cil lor armes lor devisent </br>des chevaliers que il plus prisent. </br>Antr'ax dïent : « Veez vos or </br>celui a cele bande d'or </br>parmi cel escu de bernic ? </br>C'est Governauz de Roberdic. </br>Et veez vos celui aprés, </br>qui an son escu, pres a pres, </br>a mise une aigle et un dragon ? </br>C'est li filz le roi d'Arragon </br>qui venuz est an ceste terre </br>por pris et por enor conquerre. </br>Et veez vos celui dejoste,</br>qui si bien point et si bien joste, </br>a cel escu vert d'une part, </br>s'a sor le vert point .i. liepart, </br>et d'azur est l'autre mitiez ? </br>C'est Ignaurés li Covoitiez, </br>li amoreus, et li pleisanz. </br>Et cil qui porte les feisanz </br>an son escu poinz bec a bec ? </br>C’est Coguillanz de Mautirec. </br>Et veez vos ces .ij. delez, </br>a ces .ij. chevax pomelez</br>as escuz d'or as lyons bis ? </br>Li uns a non Semiramis </br>et li autres est ses conpainz,</br>s’ont d'un sanblant lor escuz tainz.</br>Et veez vos celui qui porte</br>en son escu pointe une porte ?i qui porte

Par … Si sanble qu'il s’an isse uns cers ? </br>Par foi, ce est li li rois Yders. » </br>Ensi devisent des les loges : </br>« Cil escuz fu fez a Lymoges, </br>si l'en aporta Piladés, </br>qui en estor vialt estre adés </br>et molt le desirre et golose. </br>Cil autres fu fez a Tolose, </br>et li lorains et li peitrax, </br>si l'en aporta cuens d’Estrax.</br>Cil vint de Lÿon sor le Rosne : </br>n'a nul si boen desoz le trosne,</br>si fu por une grant desserte </br>donez Taulas de la Deserte. </br>qui bel le porte et bien s'an cuevre. </br>Et cil autres si est de l'uevre </br>D'Engleterre et fu fez a Londres, </br>ou vos veez ces .ij. arondres </br>qui sanblent que voler s'an doivent, </br>mes ne se muevent, ainz reçoivent </br>mainz cos des aciers poitevins :</br>sel porte Thoas li Meschins. »</br>Ensi devisent et deboissent </br>les armes de ces qu'il conoissent.issent