Attribut:Transcription
De PolimaWiki
Cette propriété est de type Texte.
L
Balade. Comment on souloit anciennement moult honourer les saiges et anciens plus que on ne fait au jour d'ui.
Les anciens furent jadis moult saiges,
Si doivent bien leurs dis estre gardez
Et qu'om tiengne leurs faiz et leurs usaiges.
Or supplions que vous y regardez.
Coiffes eurent, tel estat nous rendez,
Et nous prierons tuit pour vous et pour eulx:
Car bonnes sont a entre nous pelez
Et a tous ceuls qui ont pou de cheveulx.
Eustace suy pour les pelez messaige
Coucy, Saint Poul, Hangest, Torcy : venez,
G. des Bordes, Brifaut, et a oultrages
Y est Colart de Tanques desplumez.
Hugues du Bois, Moriaux, sont enrrumez,
Coiffe leur fault et a chascun d'eulx :
Car bonnes sont a entre nous pelez +
Alarme ! Alarme ! Yvers est descendus
Sur le païs, a froide compaignie :
Il en a ja mains mors et enfondus.
Armez vous tost pour sauver vostre vie,
Car nulz ne tient contre s'artillerie.
Vent et gresil fait traire a ses archiers, +
Moult se vantoit li cerfs d'estre legiers
Et de courir dix lieues d'une alaine,
Et li cengliers se vantoit d'estre fiers,
Et la brebiz se louoit pour sa laine,
Et li chevriaux de sauter en la plaine
Se vantoit fort, li chevriaux estre biaux,
Et de force se vantoit li toreaux,
L'ermine aussi d'avoir biau peliçon.
Adonc respont en sa coquille a ciaulx :
« Aussi tost vient a Pasques limeçon. »
Les lions voy, ours et lieppars premiers,
Loups et tigres, courir par la champaigne,
Estre chaciez de mastins et levriers +
Balade. Comment Verité, Charité et Loyauté, Fov et Creance
font au jour d'uy le contraire de leurs noms
Se Verité veult estre menteresse,
Et Loyaulté veult estre desloial,
Et Charité veult estre larronnesse,
Et Creance se veult tourner a mal,
Et Foy ne veult qu'il soit homme loial,
Et glote soit devenue Abstinence,
Humilité en orgueil et bobance,
Et Pité ait le cuer plus dur que roche,
Tous ces signes donnent signifiance
Que pour noz maulx la fin du monde approche.
Se Chasteté fait Luxure maistresse,
Se Povreté veult aler a cheval,
Se Pacience homicide qui blesse
Veult par povoir tout getter contreval,
Se Largesce qui ja fut curial
Veult convoitans tenir or et finance,
Se lasche veult et mole estre Vaillance, +
En une selle a chevauchier
Quant elle a couru longuement
Fault tousjours pannel ou estrier,
Tasse, boucle, espingle ou mordant
Contrecengle, autre accident,
Clou, martel, poinçon ou lasniere,
Cengle, poitral ou estriviere,
Couverture ou chose nouvelle.
Jamais ne sera bien entiere :
Tousjours fault ouvrer en vielz selle.
Porter la fault au bourrelier +
Se ce n'est sens ou grant chevalerie,
Chastel ou lieu de grant auctorité,
Le demourant ne dure fors a vie
Que tout ne soit a la mort expiré.
Mais Memoire, qui tant a proufité
Par le moien de lettre et d'escripture,
Et figurer de taille ou en painture
Le sens d'autrui, la prouesce et vaillance,
Font aprés mort congnoistre creature,
Et ce sçavoir nous fait Experience.
Car nous veons renommer par clergie
Roy Salemon en la divinité, +
Orgueil, Luxure, Oultrecuidance,
Envie et mortel Traïson,
Convoitise, Desordonnance,
Baras, convers ont leur saison.
Chascuns het Justice et Raison
Et veult estat de prince avoir.
On ne quiert qu'argent et avoir,
Au bien commun n'est nul enclin.
Par tous ces poins puet on sçavoir
Que le monde approuche sa fin.
Guerre de jour en jour s'avance ;
Il n'est priere n'oroison
Vers Dieu, ne nulle obeissance.
Estable font de sa maison
Pluseurs. Las ! Toute devision
Regne, et menterie pour voir ;
Preudoms n'ose les denz mouvoir,
L'Eglise et tout va a declin :
Par ce puet on appercevoir
Que le monde approuche sa fin.
Pitié, Amour ne Congnoissance,
Loyaulté ne porte mais hom,
Honeur, Verité ne Vaillance :
De toutes vertus nous taison.
Le grant Orgueil que nous faison,
Fera Povreté concepvoir
En general un crueulx hoir,
Vengence, et destruire l'or fin.
Puis doit Antecrist apparoir,
Que le monde approuche sa fin.
L'envoy +
Tristesse, Orgueil, Envie et Traïson,
Avarice, Faulx semblant et Peresse,
Menterie, Dissimulacion
Et Lacheté, Faintise larronnesse,
Il est trop folz qui point regner vous lesse,
Car par vous sont maintz royaumes peris,
Les noms perdus d'Onneur et de Noblesce :
Par vous s'en est tout li bon temps fuis.
Trop longuement avés eu vo saison
Et ce monde tenu en grant destresse +
Trop vigne avoir et maisons en village,
Filles aussi qui sont a marier,
N'est pas grant gaing ne seur heritage.
Es vignes fault tousjours argent ballier,
Et es maisons fault toudis charpentier,
Couvreur, masson, late, clo, couverture,
Et sont toudiz d'ardoir en aventure.
Nulz n'y gaigne, tant ait teste subtille, +
Cognoissance, Sens, Honeur ne Memoire
N'ont au jour d'ui leur temps ne leur saison :
Convoitise regne avec Vaine Gloire, +
Grant bien me fist et resjouissement,
Ainsis que gent pour querir honneur vont,
De vir l’ostel et le hault parrement
Des chevaliers, princes, qui a vous sont.
La fut Namur, Touteville, Aufemont,
Hambuie, Bueil, Blaru, l’Ile Bouchart,
Guy de Laval, Rostelain et Oudart,
Viconte Meaulx, Fayel et Bouteillier,
Jehan de Trie, Gadifer que Dieux gart !
Vueilliez tousjours tels gens acompaignier.
Encor y vi et tous d'un parement,
Thorigny, lors françois, et Braquemont,
De Sarrebuche Amé, Arnault Guillent,
Garencieres et Florigny d’un front,
Pierre de Bueil et Allain de Beaumont,
Jehan de Roussay et de Sempy Colart,
G. de Trie, Coleville et Mirart
De Miraumont, Bethancourt. Tenir chier
Doit l'en les bons et avoir de sa part :
Vueilliez tousjours tel gent acompaignier.
Poitiers, Brimeu, Carados ensement
Et l’Estandart, Quiquempoit aprés vont ;
Canny, Coudroy, Villequier quartement,
Braque. Nery, Lancelot. Boyau ont
Et Valiquet, qui la despense font,
Tous chevaliers ; banniere et estandart
Ont les pluseurs. Saiges est qui depart
A telz barons le sien et fait grenier +
Je ne croy par mon jugement
Qu'il soit plus grant merencolie,
Sanz mal du corps et sanz tourment,
Que d'omme qui fille marie
En estat de chevalerie,
De clerc, de bourgois ou de lay.
Par ma fille bien aprins l’ay
Qui m’a rungié jusques aux os.
Pour ce a ceuls qui fille ont diray :
Qui fille a n’est pas a repos.
Terre lui fault premierement
A tousjours, non pas a sa vie,
Robes, joyaulx, or et argent,
Pannes, draps d'or et pierrerie,
Manteaulx, anneaulx, peleterie,
Menu ver, gris, chapel d'or gay,
Fronteaulx, couronne : hé Dieu, quel glay !
Vaisselle, plas, escuelles, pos.
Jamais fille ne mariray :
Qui fille a n’est pas a repos. +
Balade comment Alixandre le Grant qui tant de païs contesta, mourut par venin et comment Julius Cesar, Pompee, Jason qui conquist la Toison d’or, Agamenon et le preux et vaillant Hector de Troye ne portent contester a leur mort et que toudis advient tout de qui doit advenir
Pour quoy fina par venin Alixandre,
Qui si puissans fut et si fortunez, +
Balade que Eustace fist sur liber generacionis, etc.
Liber generacionis
Est au jour d'ui bien en saison,
Car l'en voit pluseurs gens definis
Dont l'en ne scet dire leur nom.
Qui fuit Sadoch et Naason ?
Qui est cilz au bleu chaperon ?
L'un respont qu'il est receveur +
A tous ceuls qui ont de quoy vivre,
Hors la court des princes royaulx
Qui si tiennent, que l'en delivre ;
Moult vivent de doubteus morseaulx,
Se paie ne se fait d'iceaulx,
Eulx saichans, par leur souverain.
Ilz en sont tenuz pour certain
Ou d'aler vivre en leur maison,
Quant la court chargent soir et main :
Mais nul n'a cure de raison.
Plus en y a, plus faut qu'om livre
Beufs, moutons, pors, volille, veaulx,
Vins, grains et foings ; poise a la livre
Buche et charbon, poisson, vaisseaulx,
Sel, espices, cire, trousseaulx
De coustes, de linge et d'estrain,
Vaisselle d'argent ou d'estain,
Dont il fault faire garnison,
Prandre a croire ou paier a plain :
Mais nul n'a cure de raison.
Et puis que tout s'escript en livre,
S'on ne paie, ceuls sont loyaulx
Qui de telz morseaulx ne sont yvre,
Mais vont mangier de leurs poureaulx
En leurs hostelz. La court par eaulx
N'a charge, lors s'en sont plus sain
D’ame et de corps. Moins fault de pain
A court et vivres, ce scet on,
Que se l'ostel fust de gent plain :
Mais on n'a cure de raison.
L’envoy
Princes, tenez droitte la main
Que vostre hostel soit net et sain, +
Balade du caresme .mcccc. et deux qui fut tresgrevable a mainte gent.
J'ay .xl. ans passé la quarantaine,
Maint dur karesme avec les .iiij. temps,
Qui ne me firent onques le quart de paine
Que cilz ci fait pour ces mauvais harens,
Caqués et sors, jaunes, noirs et puens, +
Sote chançon en balade d’une vielle merveilleuse
Qui regarde bien vo phillosomie
Et vo gent corps fait a une coignee,
De toute amour et d'amer s'entroublie,
Car plus laide ne fut de mere nee ;
D'un cahuant fustes poste et couvee,
Oeulx de torel et bouche de lymier,
Grosses lefres pour gelines jouchier,
Joes comme a trompeur qui soufle et muse.
Digne n'estes pas d'avoir un porchier,
Dens de serpent, orde, laide et camuse.
Les crins avez plus noirs que cramillie,
Visaige d'ours, langue desordonnee,
Baveuse aussi, janglant comme une pye,
Bras cours et gros, pance de bran enflee ;
Vous estes bien de tettes acesmee
Qui vous pandent devant jusqu'au brodier ;
Mais au surplus avez un poitronnier
Noir et hideux, qui onques ne s'excuse
De pez, vesses, ordure et bran baillier,
Dens de serpent, orde, laide et camuse.
Eureux seroit qui aroit tele amie ;
Il en ystroit trop noble progenie
Dont les enfans aroient chiere lie
Pour repeupler leur caterve a dampnee.
Se Lucifer n'avoit femme espousee,
A lui vous doing, cil vous ara moult chier,
Car nul fors li vouldroit a vous touchier;
Vous li jourrez de vostre cornimuse,
Ne le vueilliez a mari reprouchier ,
Dens de serpent, orde, laide et camuse.
L'envoy +